Woman posing as police officer Arrested بارہمولہ میں پولیس افسر کا شکل اختیار کرنے والی خاتون گرفتار

بارہمولہ پولیس نے پولیس افسر کا روپ دھارنے والی ایک خاتون کو گرفتار کیا ہے۔ ملزمہ کا اصلی نام بسمہ یوسف شیخ دختر محمد یوسف شیخ ساکن تپائی کھاگ کے بطور ہوئی ہے۔

بارہمولہ: جموں وکشمیر پولیس نے ضلع بارہمولہ میں پولیس افسر کا روپ دھارنے والی ایک خاتون کو گرفتار کیا ہے۔
ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ پولیس اسٹیشن کنزر کو یکم ستمبر 2023 کو واصف حسن ساکن کنزر کی طرف سے ایک شکایت موصول ہوئی جس میں اس نے کہا کہ بس میں سفر کے دوران عائشہ نامی ایک خاتون مجھے ملی جس نے پولیس سب انسپکٹر ہونے کا دعویٰ کیا اور کہا کہ وہ اس وقت پولیس اسٹیشن کنزر میں تعینات ہے۔
انہوں نے کہا کہ 'شکایت کے مطابق موصوفہ نے شکایت کنندہ کو یقین دہانی کی وہ اس کو محکمہ پولیس میں کانسٹیبل کی نوکری دلا سکتی ہے'۔

• Impersonating as police officer, lady arrested by Police in Kunzer Baramulla, investigation going on.@JmuKmrPolice@KashmirPolice@DIGBaramulla@DCBaramulla @Amod_India@DivyaDev_ipshttps://t.co/DjQ7xJGTJH pic.twitter.com/bsLPM0rtHZ

  — Baramulla Police (بارہمولہ پولیس) (@BaramullaPolice) September 2, 2023 " class="align-text-top noRightClick twitterSection" data="

  Impersonating as police officer, lady arrested by Police in Kunzer Baramulla, investigation going on.@JmuKmrPolice@KashmirPolice@DIGBaramulla@DCBaramulla @Amod_India@DivyaDev_ipshttps://t.co/DjQ7xJGTJH pic.twitter.com/bsLPM0rtHZ

  — Baramulla Police (بارہمولہ پولیس) (@BaramullaPolice) September 2, 2023

  ">

  Impersonating as police officer, lady arrested by Police in Kunzer Baramulla, investigation going on.@JmuKmrPolice@KashmirPolice@DIGBaramulla@DCBaramulla @Amod_India@DivyaDev_ipshttps://t.co/DjQ7xJGTJH pic.twitter.com/bsLPM0rtHZ

  — Baramulla Police (بارہمولہ پولیس) (@BaramullaPolice) September 2, 2023

ان کا کہنا تھا کہ 'نوکری ملنے کی لالچ میں آکر شکایت کنندہ نے موصوفہ کو دس ہزار روپیے دے دئے'۔بیان میں کہا گیا کہ 'پولیس افسر کا روپ دھارنے والی خاتون نے شکایت کنندہ کے ساتھ یکم ستمبر کو دوبارہ رابطہ کیا اور نوکری کی تقرری کا آرڈر جلدی ملنے کے لئے مزید رقم کا تقاضا کیا'۔پولیس ترجمان نے کہا کہ موصوفہ نے شکایت کنندہ کو دو تین دنوں میں یہ عمل مکمل ہونے کا وعدہ کیا۔انہوں نے کہا کہ 'معاملے پر شک کرکے شکایت کنندہ نے اس سلسلے میں پولیس اسٹیشن کنزر میں ایک کیس درج کیا'۔

ان کا کہنا تھا کہ کیس درج ہونے کے بعد پولیس نے اس سلسلے میں تحقیقات شروع کی۔پولیس بیان میں کہا گیا کہ 'تحقیقات کے دوران پولیس نے ملزمہ عائشہ جو اس کا جعلی نام کو گرفتار کیا۔
بیان کے مطابق ملزمہ کا اصلی نام بسمہ یوسف شیخ دختر محمد یوسف شیخ ساکن تپائی کھاگ کے بطور ہوئی ہے۔پولیس ترجمان نے کہا کہ پولیس نے ملزمہ کی تحویل سے پولیس وردی اور دس ہزار روپیے نقدی بر آمد کئے۔پولیس نے لوگوں سے ایسے جعلسازوں سے ہوشیار رہنے کی اپیل کی ہے۔
(یو این آئی )