بارہمولہ کے پٹن علاقے میں گذشتہ روز جموں و کشمیر بینک کی شاخ میں ڈکیتی کے دوران بینک محافظ سے چھینی گئی رائفل اور موقع سے فرار ہونے کے لئے استعمال کی گئی گاڑی کو جمعہ کی صبح کنزر علاقے کے ووسن گاؤں سے برآمد کر لیا گیا ہے۔
واضح رہے کہ پٹن کے شیر آباد کھور علاقے میں جمعرات کو پی پی ای کٹ پہنے تین بندوق برداروں نے بندوق کی نوک پر جموں و کشمیر بینک کی شاخ سے 2 لاکھ 86 ہزار روپے لوٹ لئے۔ سرکاری ذرائع نے بتایا کہ پولیس نے آج ضلع بارہمولہ کے کنزر علاقے کے ووسن گاوں کے نزدیک لٹیروں کی طرف سے فرار ہونے کے لئے استعمال کی جانے والی گاڑی اور گارڈ سے چھینی گئی بندوق کو برآمد کیا۔
