سیلو سوپور میں سڑک کی خستہ حالی سے عوام پریشان

لوگوں نے مزید کہا کہ اس وقت ڈی ڈی سی انتخابات ہو رہے ہیں اور ہر کوئی امیدوار بجلی، سڑک اور پانی کی باتیں کرتا ہے لیکن زمینی حقائق کچھ اور ہیں۔

شمالی کشمیر کے ضلع بارہمولہ کے سوپور قصبہ سے صرف پانچ کلومیٹر دور سیلو علاقے میں سڑک کی خستہ حالی کی وجہ سے عوام کافی پریشان ہے۔
مقامی لوگوں نے بتایا کہ گذشتہ تین برس سے سڑک کافی خراب ہے جس کی وجہ سے ان کو چلنے پھرنے میں کافی دشواروں کا سامنا کرنا پڑتا ہے۔ لوگوں نے سرکار اور محکمہ آر اینڈ بی کے حلاف سخت ناراضگی کا اظہار کیا۔
لوگوں نے کہا کہ وہ محکمہ آر اینڈ بی کے دفتر کافی بار گئے لیکن وہاں کسی نے ان کی نہیں سنی اور وہ ہمیشہ واپس خالی ہاتھ آئے۔

اب کا مزید کہنا ہے کہ انہوں نے اپنی لاگت پر سڑک کو پختہ کیا اور چلنے پھرنے کے قابل بنایا لیکن محکمہ آر اینڈ بی ٹس سے مس نہیں ہوا۔ انہوں نے کہا یہاں کے لوگوں کے ساتھ کافی ناانصافی ہو رہی ہے اور کوئی بھی ان کا سننے والا نہیں ہے۔لوگوں نے مزید کہا کہ اس وقت ڈی ڈی سی انتخابات ہو رہے ہیں اور ہر کوئی امیدوار بجلی، سڑک اور پانی کی باتیں کرتا ہے لیکن زمینی حقائق کچھ اور ہے۔لوگوں نے ایل جی گورنر انتظامیہ سے گزارش کی کہ ان کی مشکلات کا ازالہ کیا جائے۔