شمالی کشمیر میں ضلع بارہمولہ کے سوپور قصبہ میں محکمہ ٹریفک کی جانب سے ٹریفک قوانین کی خلاف ورزی کرنے والوں کے خلاف کارروائی کرتے ہوئے محکمہ ٹریفک نے متعدد ڈرائیورز سے چالان وصول کیا۔
سوپور میں ٹریفک قوانین کی خلاف ورزی کرنے والوں کے خلاف کارروائی
ذرائع ابلاغ کے ساتھ بات کرتے ہوئے ٹریفک محکمہ کے ایک افسر نے بتایا کہ جمعہ کو محکمہ ٹریفک کی خصوصی ڈرائیو کے نتیجے میں بغیر لائسنس گاڑی چلانے، یا بغیر سیٹ بیلٹ یا بغیر ہیلمٹ کے موٹر سائیکل چلانے والے افراد کے خلاف کارروائی عمل میں لائی گئی۔ اور متعدد ڈرائیوروں سے جرمانہ وصول کیا گیا۔
انہوں نے ڈرائیو کا مقصد بیان کرتے ہوئے کہا کہ اس طرح کی کارروائی سے عوام ٹریفک قوانین کی پاسداری کو یقینی بناتی ہے۔
انہوں نے ٹریفک قوانین کی خلاف ورزی کرنے والوں کے خلاف مستقبل میں بھی کارروائی جاری رکھنے کے عزم کا اظہار کیا۔
