شمالی کشمیر کے ضلع بارہمولہ میں بدھ کو سڑک کی تعمیر کے دوران مٹی کے تودے گر آئے جس کے نتیجے میں تین مزدور زخمی ہوگئے۔
حکام کے مطابق یہ حادثہ ضلع بارہمولہ کے گٹلیان، اوڑی میں اس وقت پیش آیا جب مزدور سڑک کی تعمیر کے دوران ڈھلان کی کھدائی کررہے تھے۔
زخمیوں کو فوری طور پر نزدیکی طبی مرکزی پہنچایا گیا جہاں سے انہیں سب ڈسٹرکٹ ہسپتال اوڑی منتقل کیا گیا۔
مزید پڑھیں: آزاد گنج بارہمولہ میں فائرنگ، ایک نوجوان زخمی
زخمی ہونے والے مزدوروں کی شناخت اوڑی کے درہ، گٹلیاں کے رہنے والے خادم حسین ولد محمد شاہ، عبد الرزاق بھٹی ولد احمد علی بھٹی اور اعجاز احمد کے طور پر ہوئی ہے۔
