بانڈی پورہ: شمالی کشمیر کے ضلع بانڈی پورہ کے سلیندر جنگلات میں عسکریت پسندوں اور سکیورٹی فورسز کے درمیان تصادم میں ایک عسکریت پسند ہلاک ہوگیا۔ تفصیلات کے مطابق سکیورٹی فورسز کو علاقے میں عسکریت پسندوں کی موجودگی کی خفیہ اطلاع موصول ہوئی تھی جس کے بعد پولیس، فوج نے مشترکہ کارروائی شروع کی۔ سکیورٹی فورسز کی تلاشی کارروائی کے دوران جنگل میں چھپے عسکریت پسندوں نے سکیورٹی فورسز پر اندھا دھند گولیاں چلائی جس کے بعد تلاشی کارروائی نے انکاؤنٹر کی شکل اختیار کر لی۔
کشمیر پولیس زون نے تفصیلات دیتے ہوئے کہا کہ بانڈی پورہ انکاؤنٹر میں ایک عسکریت پسند ہلاک ہوا ہے۔پولیس کے مطابق عسکریت پسند کے قبضے سے ایک اے کے رائفل،3 میگزین برآمد ہوئے ہیں۔
پولیس کے مطابق مارا گیا عسکریت پسند درانداز گروپ کا حصہ تھا۔ پولیس کے مطابق علاقہ میں دو دیگر عسکریت پسندوں کی تلاش جاری ہے۔
پولیس نے ٹویٹ میں مزید لکھا کہ مارے گئے عسکریت پسند کی شناخت ویسن پٹن کے گلزار احمد گنائی کے طور پر ہوئی ہے۔ پولیس کے مطابق گلزار احمد سنہ 2018 میں پاکستان چلے گئے اور 3 سال 6 ماہ رہنے کے بعد آپریل کے آخری ہفتہ میں درندازی کی تھی۔
قبل ازیں کشمیر پولیس زون نے آفیشل ٹویٹر پر انکاؤنٹر کے بارے میں تفصیلات دیتے ہوئے کہا کہ بانڈی پورہ کے سلیندر جنگلات میں سکیورٹی فورسز اور عسکریت پسندوں کے درمیاں تصادم جاری ہے۔
مزید پڑھیں:
