بانڈی پورہ: خفیہ ٹھکانے سے اسلحہ اور گولہ بارود برآمد

شمالی کشمیر کے بانڈی پورہ ضلع میں حفاظتی اہلکاروں نے عسکریت پسندوں کے ایک خفیہ ٹھکانے سے اسلحہ اور گولہ بارود برآمد کرنے کا دعویٰ کیا ہے۔

فوج کی 26 آسام رائفلز نے منگل کو ضلع بانڈی پورہ میں عسکریت پسندوں کی ایک کمین گاہ کا پتہ لگاکر اسلحہ اور گولہ بارود برآمد کرنے کا دعویٰ کیا ہے۔

بانڈی پورہ: خفیہ ٹھکانے سے اسلحہ اور گولہ بارود برآمد

فوجی ذرائع کے مطابق ایک مصدقہ اطلاع ملنے کے بعد فوج کی 26 آسام رائفلز نے بانڈی پورہ کے ناگہ مرگ، آلوسہ کے جنگلات میں تلاشی کارروائی انجام دی۔

ذرائع کے مطابق تلاشی کارروائی کے دوران عسکریت پسندوں کی ایک کمین گاہ کا پتہ لگا کر وہاں سے اسلحہ اور گولہ بارود بر آمد کیا گیا۔ برآمد کیے گئے اسلحہ میں ایک درجن کے قریب UBGL اور کئی چینی ساخت کے دستی بم بھی شامل ہیں۔