شمالی کشمیر کے ضلع بانڈی پورہ کے نیسبل علاقے میں ایک آگہی پروگرام کا انعقاد کیا گیا جس میں علاقے کے نوجوانوں، طالب علموں اور ٹرانسپورٹ سیکٹر سے وابستہ افراد کو ’’مشن یوتھ‘‘ کے تحت وضع کی گئی مختلف اسکیموں کے حوالے سے جانکاری دی گئی۔
آگہی پروگرام میں شرکت کر رہے مقامی باشندوں خصوصا نوجوانوں کو اسکیموں سے استفادہ حاصل کرنے کے مختلف طریقوں اور طرز عمل سے متعلق بھی جانکاری دی گئی۔
آگہی پروگرام میں محکمہ کے عہدیداروں کے علاوہ مقامی پنچایت سے منسلک بعض پی آر آئیز بھی موجود تھے۔
مزید پڑھیں: بانڈی پورہ: اسپتال میں بنیادی سہولیات کا فقدان
پروگرام کے دوران مشن یوتھ کے تحت جاری کئی اسکیموں جن میں ’ممکن‘، ’سنجیون‘ سمیت طالب علموں کے لئے مخصوص کئی دیگر اسکیموں کے حوالے سے شرکاء کو مفصل جانکاری دی گئی۔
پروگرام میں موجود کونسلروں نے انہیں ان اسکیموں سے استفادہ حاصل کرنے کے طریقہ کار سے آگاہ کرنے کے علاوہ اس سلسلے میں انہیں تربیت بھی دی۔
