اننت ناگ میں ڈسٹرکٹ ووشو چیمپئن شپ کا آغاز

کھلاڑیوں میں کافی جوش دیکھنے کو ملا۔ کھلاڑیوں کا کہنا ہے کہ اس طرح کے کھیل کود سے جسمانی تندرستی حاصل ہوتی ہے اور نوجوان کو برے کاموں سے بھی دور رہنے کا موقع مل جاتا ہے۔

ڈسٹرکٹ ووشو ایسو سی ایشن کے اشتراک سے جے کے یونیفائڈ اکاڈمی آف مارشل آرٹس کی جانب سے اننت ناگ میں آج سے ڈسٹرکٹ ووشو چیمپئن شپ کا آغاز ہوا۔
اس چپمئن شپ میں ضلع اننت ناگ و جنوبی کشمیر کے دیگر علاقوں کے بچے شرکت کر رہے ہیں۔

چیمپئن شپ کا مقصد جہاں بچوں کو کھیلوں و مارشل آرٹ کی جانب راغب کرانا ہے وہیں منشیات کے خلاف جنگ کےلئے بھی نوجوانوں کو آمادہ کرنا ہے۔کھلاڑیوں میں کافی جوش دیکھنے کو ملا۔ کھلاڑیوں کا کہنا ہے کہ اس طرح کے کھیل کود سے جسمانی تندرستی حاصل ہوتی ہے اور نوجوان کو بُرے کاموں سے بھی دور رہنے کا موقع مل جاتا ہے۔اس کھیل میں نہ صرف نوجوان لڑکے بلکہ لڑکیاں بھی شامل ہو رہی ہیں۔اس موقع پر منتظمین نے کہا کہ مستقبل میں بھی کشمیری نوجوانوں کی صلاحیتوں کو بروئے کار اور صحت مند سماج کی تعمیر کےلئے اسطرح کے پروگراموں کو تقویت دی جائے گی۔