جنوبی کشمیر کے اڈلش، پہلگام کے پرائمری ہیلتھ سنٹر کی عمارت گرچہ جدید سہولیات سے لیس ہے تاہم اسپتال میں بجلی کی الگ سپلائی نہ ہونے سے اسپتال کی اکثر مشینری کو استعمال میں نہیں لایا جا رہا ہے۔
اڈلش کے آس پاس کے دیہات سے بھی مریض طبی مرکز اڈلش کا رخ کرتے ہیں تاہم اسپتال میں موجود مال مویشی اور جگہ جگہ گوبر کے ڈھیر سے نہ صرف مریضوں بلکہ تیمار داروں اور طبی عملہ کو بھی مشکلات کا سامنا کرنا پڑ رہا ہے۔
ہیلتھ سنٹر مویشیوں کی آماجگاہ بن چکا ہے اسکے علاوہ مقامی بچوں نے اسپتال کے صحن کو کھیل کے میدان میں تبدیل کر دیا ہے۔
گرچہ مقامی باشندوں سمیت طبی عملہ نے بھی اعلیٰ حکام سے ہیلتھ سنٹر کی دیوار بندی کا مطالبہ کیا تاہم ابھی تک اس پر عمل درآمد نہیں کیا گیا۔
اڈلش پرائمری ہیلتھ سنٹر کا معائنہ کرکے جموں کشمیر میں محکمہ صحت کی جانب سے آئے روز بنیادی ڈھانچے کو مضبوط کرنے کے بلند و بانگ دعوے سراب ثابت ہوتے دکھائی رہے رہے ہیں۔
