کوکرناگ: مرکزی وزیر مملکت نے فش فارمنگ کا معائنہ کیا

جموں و کشمیر کے اننت ناگ ضلع کے کوکرناگ میں مرکزی وزیر مملکت ڈاکٹر ایل مورگن نے فش فارمنگ کا دورہ کیا، اس اچھی کارکردگی پیش کرنے والوں کو اعزاز سے نوازا۔

مرکزی وزیر مملکت انفارمیشن اینڈ براڈکاسٹنگ، فشریز انیمل ہسبنڈری اینڈ ڈیرنگ ڈاکٹر ایل مورگن نے ٹراوٹ فش فارمنگ کوکرناگ کا دورہ کیا، ان کے ہمراہ ڈسٹرکٹ ڈیولپمینٹ کمشنر ڈاکٹر پیوش سنگلا، ڈائریکٹر فشریز بی اے بٹ اور دیگر کئی محکموں کے افسران کے ساتھ ساتھ ماہی گیری سے وابستہ افراد موجود تھے۔

اس موقع پر انہوں نے کوکرناگ میں قائم تقریباً 300 کنال اراضی پر پھیلے ہوئے فش فارم کا جائزہ لیا۔

وزیر نے کئی مستحق افراد کو PMMSY ٹراوٹ یونٹس کو منظوری دی، جب کہ ماہی گیری شعبے سے وابستہ افراد جنہوں نے اچھی کارکردگی کا مظاہرہ کیا ہے ان کو اعزاز کے طور پر سرٹیفکیٹ سے نوازا گیا۔