اننت ناگ: جموں و کشمیر حکومت نے میونسپل کونسل اننت ناگ کے صدر کے خلاف الزامات کی تحقیقات کا حکم جاری کر دیا گیا ہے۔ اس سلسلہ میں باضابطہ طور ایک حکمنامہ بھی جاری کیا گیا ہے۔ ہاؤسنگ اینڈ اربن ڈیولپمنٹ ڈیپارٹمنٹ نے سری نگر ڈیولپمنٹ اتھارٹی (ایس ڈی اے) کے وائس چیئرمین حارث احمد ہانڈو کو میونسپل کونسل اننت ناگ کے چیئرمین کے خلاف الزامات کی تحقیقات کے لیے انکوائری افسر مقرر کیا ہے۔ جموں و کشمیر اپنی پارٹی سے وابستہ ہلال احمد شاہ شہری بلدیاتی ادارے کے صدر ہیں۔ JK Govt Orders Investigation on Allegations against Anantnag ULB president
حکمنامہ کے مطابق، پرنسپل سیکریٹری، ہاؤسنگ اینڈ اربن ڈیولپمنٹ ڈیپارٹمنٹ، دھیرج گپتا نے جموں و کشمیر میونسپل ایکٹ-2000 کی دفعہ 26 کے تحت انکوائری کا حکم دیا ہے۔ حکم نامے میں کہا گیا ہے کہ ’’اصول و ضوابط کے مطابق، میونسپل کونسل اننت ناگ کے صدر کو اپنی صفائی پیش کرنے کا مناسب موقع فراہم کیا جائے گا۔‘‘Allegations Against ULB Anantnag President
ہاؤسنگ اینڈ اربن ڈیولپمنٹ ڈیپارٹمنٹ کی جانب سے اربن لوکل باڈیز کشمیر کے ڈپٹی ڈائریکٹر رفیق احمد، کو پریزائڈنگ افسر مقرر کیا گیا ہے۔ اور انکوائری کو 15 روز کی مدت میں مکمل کرنے کو کہا گیا ہے۔
مزید پڑھیں: MC Awantipora New President شمیمہ رینہ اونتی پورہ میونسپل کمیٹی کی صدر منتخب
میونسپل ایکٹ کی دفعہ 26 کے تحت، حکومت کو اختیار حاصل ہے کہ وہ متعلقہ محکمہ کے صدر یا نائب صدر کو اس کے اختیارات کے غلط استعمال یا اپنے فرائض انجام دینے میں مسلسل ناکامی کی بنیاد پر عہدے سے ہٹا سکتی ہے، بشرطیکہ صدر یا نائب صدر کی برطرفی کی اطلاع اس وقت تک نہیں دی جائے گی جب تک کہ حکومت کی طرف سے مقرر کردہ کسی افسر کے ذریعے معاملے کی مکمل جانچ نہ کی گئی ہو اور صدر یا نائب صدر کو اپنے دفاع میں بولنے کا موقع دیا گیا ہو۔
واضح رہے کہ رواں برس کی شروعات میں حکومت نے صدر میونسپل کمیٹی، اونتی پورہ، بلال احمد بٹ کو اپنے سرکاری عہدے کا غلط استعمال کرنے کی بنیاد پر بر طرف کر دیا تھا۔
