حکمنامہ کے مطابق محکمہ پی ڈبلیو ڈی آر اینڈ بی ڈویژن اننت ناگ میں بحیثیت ورکس سوپروائزر کام کر رہے مشتاق احمد بٹ کو اپنی ڈیوٹی میں مبینہ کوتاہی برتنے کی پاداش میں معطل کیا گیا اور انہیں فوری طور پر ایگزیکٹیو انجینئر آر اینڈ بی کے دفتر منسلک کرنے کا حکم دیا گیا ہے۔
اے ڈی سی اننت ناگ کو معاملہ کی تحقیقات کرکے پانچ روز میں رپورٹ پیش کرنے کی ہدایت بھی دی گئی ہے۔
واضح رہے کہ ضلع اننت ناگ کے اُرنہال علاقہ کے رہنے والے سینئر صحافی احمد علی فیاض نے ٹویٹ کے ذریعہ شکایت کی تھی کہ بریسٹ کینسر میں مبتلا ان کی اہلیہ کو علاج و معالجہ کے لیے سرینگر کے سُپر اسپیشلٹی ہسپتال پہنچانا لازمی تھا.. تاہم بھاری برفباری کی وجہ سے سڑک رابطہ بند تھا۔
یہ بھی پڑھیں: ڈبلیو ایچ او نے جموں کشمیر اور لداخ کو نقشے میں الگ رنگ سے نشان زد کیا
مریضہ کے شوہر نے متعلقہ حکام سے سڑک سے برف ہٹانے کی کئی بار درخواست کی گئی تھی لیکن ان کی درخواست پر غور نہیں کیا گیا جس کے بعد انہوں نے اپنے ذاتی پیسوں سے جے سی بی کے ذریعہ راستہ صاف کروایا اور مریضہ کو سرینگر ہسپتال منتقل کیا گیا۔
ٹویٹ کے ذریعہ احمد علی فیاض نے ذمہ دار افسر کی جانب سے فرائض کی مبینہ پامالی کو لے کر لیفٹیننٹ گورنر سے مداخلت کی درخواست کی تھی۔
ان کا یہ ٹویٹ کافی وائرل ہوا جس کے بعد لیفٹیننٹ گورنر انتظامیہ اس معاملہ کو سنجیدگی سے لیتے ہوئے یہ کارروائی کی۔
