گورنمنٹ میڈیکل کالج اننت ناگ کے پرنسپل پروفیسر ڈاکٹر سید طارق قریشی نے ای ٹی وی بھارت سے بات کرتے ہوئے کہا کہ کووڈ19 کیسز میں ایک بار پھر اضافہ ہو رہا یے، جس کے پیش نظر لوگوں کو احتیاطی تدابیر اختیار کرنے کی ضرورت ہے۔ انہوں نے کہا کہ کورونا وبا نے ایک بار پھر دستک دی ہے، لیکن یہ پہلے جیسا خطرناک نہیں ہے۔ تاہم ماضی کی طرح وائرس سے مقابلہ کرنے کے لیے احتیاطی تدابیر اپنانے کی اشد ضرورت ہے۔GMC Principal On Covid Cases
انہوں نے لوگوں سے اپیل کرتے ہوئے کہا کہ وہ عوامی مقامات پر ماسک کا استعال کریں، سینیٹائزر اور ہجوم والی جگہوں پر دوری اختیار کریں، تاکہ کورونا وائرس کے پھیلاؤ کو روکا جا سکے۔
ڈاکٹر قریشی نے کہا کہ جنوبی کشمیر سے روزانہ متعدد کیسز سامنے آ رہے ہیں، تاہم ابھی تک کسی بھی شخص کو ہسپتال میں داخل کرنے کی نوبت نہیں ہے۔
یہ بھی پڑھیں: Corona Update J&K: جموں وکشمیر میں مزید 245 افراد کی رپورٹ مثبت
