اننت ناگ: اننت ناگ میں آگ لگنے کے بھیانک حادثہ پیش آیا، جس کے سبب کئی دکانیں خاکستر ہوگئیں۔ضلع اننت ناگ کے کرالہ یار مٹن چوک علاقے میں جمعرات کی شام دیر گئے آتشزدگی کے ایک ہولناک واقعے میں متعدد دکانیں اور گودام خاکستر ہوگئیں۔
تفصیلات کے مطابق شام دیر گئے اننت ناگ کے کرالہ یار مٹن چوک علاقے میں ایک گودام سے آگ اچانک ظاہر ہوئی جس نے کئی دکانوں کو اپنی زد میں لے لیا۔ آگ لگنے کی وجہ سے پورے علاقے میں افرا تفری کا ماحول پیدا ہو گیا۔
بتایا جا رہا ہے کہ آگ لگنے کے فوراً بعد فائر اینڈ ایمرجنسی سروس، مقامی نوجوان اور جموں و کشمیر پولیس کےاہلکاروں نے آگ بجھانے کی کارروائی شروع کی،تاہم خبر کے مطابق آگ کی زد میں آکر مذکورہ گودام میں موجود لاکھوں روپے مالیت کا ساز و سامان راکھ کے ڈھیر میں تبدیل ہوگیا۔
مزید پڑھیں:
آگ لگنے کی وجوہات کا پتا نہیں چل سکا۔ ادھر انتظامیہ کے اعلیٰ افسران و پولیس نے جائے واردات پر پہنچ کر موقع کا جائزہ لیا اور آگ کے متاثرین سے ان کی فریاد سن کر سرکار تک پہنچانے کی یقین دہانی کرائی۔ اس سلسلے میں پولیس نے ایک کیس درج کر کے مزید تحقیقات شروع کر دی ہے۔
