ضلع ترقیاتی کمشنر اننت ناگ ڈاکٹر پیوش سنگلا نے مٹن علاقے کا دورہ کیا جہاں انہوں نے مختلف ترقیاتی منصوبوں کا جائزہ لیا۔
انہوں نے سیر سالیہ میں 12 کروڑ کی لاگت سے تعمیر کیے جا رہے اکلاویہ ماڈل ریزڈنشل اسکول کی لیبارٹری، ہوسٹل اور دیگر تعمیراتی کام کی پیش رفت کا بھی جائزہ لیا۔
ڈی سی نے متعلقہ افسران کو ہدایت دی کہ وہ اسکول کے تعمیراتی کام میں سرعت لائیں اور اسے مقرہ وقت کے اندر مکمل کریں۔
انہوں نے سالیہ میں جی ایم ایس کی ہوسٹل عمارت کے تعمیراتی کام کا بھی جائزہ لیا۔
مزید پڑھیں: اننت ناگ: محکمہ بجلی میں کام کر رہے عارضی ملازمین کا احتجاج
اس موقع پر ڈی سی کو بتایا گیا کہ متعلقہ عمارت کا بیشتر حصہ مکمل ہو چکا ہے اور جلد ہی باقی کام مکمل کر لیا جائے گا۔ اس دوران انہوں نے طلبہ سے بھی ملاقات کی اور مختلف امور پر تبادلہ خیال کیا۔
ڈی سی نے پبلک ہیلتھ سینٹر سالیہ کا بھی اچانک معائنہ کیا جس دوران انہوں نے اسٹاف کی حاضری اور بیماروں کے لئے درکار سہولیات کا بھی جائزہ لیا۔ ان کے ہمراہ مختلف محکموں سے وابستہ کئی افسران بھی تھے۔
