بجبہاڑہ: ’انتہائی مطلوب‘ منشیات فروش گرفتار، منشیات ضبط

منشیات کے خلاف اپنی مہم کو جاری رکھتے ہوئے اننت ناگ پولیس نے ’’انتہائی مطلوب‘‘ منشیات فروش کو گرفتار کرنے کا دعویٰ کیا ہے۔

منشیات سے متعلق ایک خفیہ اطلاع موصول ہونے کے بعد اننت ناگ پولیس نے بجبہاڑہ کے کری کدل میں ’انتہائی مطلوب‘ منشیات فروش کو گرفتار کرنے کے لیے ناکہ قائم کیا۔

پولیس کے مطابق ناکے پر ایک گاڑی کی تلاشی کے دوران اننت ناگ پولیس نے 102کلوگرام فکی برآمد کی۔ پولیس نے منشیات سمیت گاڑی کو ضبط کرکے ڈرائیور کو حراست میں لے لیا۔

پولیس ذرائع نے گرفتار کیے گئے شخص کی شناخت واگہامہ سے تعلق رکھنے والے جاوید احمد راتھر ولد محمد عبداللہ راتھر کے طور پر کی ہے۔

پولیس کے مطابق جاوید احمد منشیات فروشی کے حوالے سے ’’انتہائی مطلوب‘‘ تھا جس کے قبضے سے 102 کلو گرام فکی برآمد کی گئی۔

اننت ناگ پولیس نے سماج سے منشیات کا قلع قمع کرنے میں عوام سے تعاون کی اپیل کی ہے۔