جموں وکشمیر کے ضلع اننت ناگ کے ڈورو قصبہ میں میونسپل کمیٹی ڈورو ویری ناگ کے زیر اہتمام آزادی کا امرت اتسو کا آغاز کیا گیا۔ امرت اتسو اس ہفتے بھر چلے گا۔ جس دوران کمیٹی کے حدود میں آنے والے وارڈز کی صفائی عمل میں لائی جائے گی۔
آزادی کا امرت مہا اتسو میں صاف صفائی مہم
اس کے علاوہ لوگوں کو صفائی ستھرائی کے حوالے سے بھی آگاہ کیا جائے گا۔
پیر کے روز کمیٹی کے دفتر سے ایک ریلی نکالی گئی تھی ریلی میں شامل شرکاء نے ہاتھوں میں پلے کارڈز اٹھا رکھے تھے جس کے ذریعہ لوگوں کو صفائی ستھرائی کی اہمیت سے آگاہ کیا گیا۔
چیئرمین میونسپل کمیٹی محمد اقبال آہنگر نے کہا کہ حکومت کی ہدایت پر آزادی کا امرت اتسو ہفتہ منایا جارہا ہے، اصل مقصد اس اتسو کا یہی ہے کہ ہم آس پاس کے ماحول کو کس طرح صاف رکھیں۔ انہوں نے لوگوں سے اپیل کی کہ وہ اتسو کو کامیاب بنانے میں کمیٹی سے تعاون پیش کریں۔
