Drive Against Poppy Cultivation: کوکرناگ میں پانچ لاکھ روپے مالیت کی پوست کی کاشت تباہ

محکمہ مال اور محکمہ ایکسائز کے اہلکاروں نے آج کوکرناگ کے صوف شالی علاقے میں غیر قانونی طور پر کاشت کی گئی پوست کو تباہ کیا۔ اہلکاروں نے لوگوں سے اس کی کاشت کو تباہ کرنے کی اپیل کی۔Drive Against Poppy Cultivation

کوکرناگ: جنوبی ضلع اننت ناگ کے کوکرناگ علاقے میں محکمہ مال اور محکمہ ایکسائز کے اہلکاروں کی ایک ٹیم نے کوکرناگ کے صوف شالی علاقے میں پوست اور بھنگ کی کاشت کو تباہ کرنے کی مشترکہ اور وسیع مہم چلائی۔تفصیلات کے مطابق علاقے کے مختلف مقامات پر تقریباً 7 کنال اراضی پر پوست اور بھنگ کو بویا گیا تھا۔Drive Against Poppy Cultivation

نوجوانوں میں منشیات کی لت اور اس سے منسلک سماجی برائیوں کو مدنظر رکھتے ہوئے اس مہم کا انعقاد ضروری سمجھا گیا، جس کے چلتے آج مختلف محکموں کے اشتراک سے ایسا اقدام اٹھایا گیا۔

انتظامیہ نے لوگوں کو خبردار کیا کہ بار بار خلاف ورزی کرنے والوں کے خلاف قانون کی متعلقہ دفعات کے تحت ایف آئی آر درج کی جائے گی۔ جب کہ پوست اور بھنگ کی کاشت کرنے والوں کو سخت وارننگ جاری کر دی گئی ہے کہ اس سلسلے میں کسی قسم کی رعایت نہیں برتی جائے گی۔