ممبئی رنجی ٹیم کے نوجوان کھلاڑی سرفراز خان رنجی ٹرافی کی گزشتہ 10 اننگز میں 1632 رنز بنا چکے ہیں جن میں تین سنچری، دو ڈبل سنچری اور ایک ٹرپل سنچری شامل ہیں۔ سرفراز رواں رنجی سیزن میں اب تک 5 میچوں میں 704 رنز بنا چکے ہیں جس میں ان کا اوسط 140 سے زائد ہے۔ وہ ابھی تک 3 سنچری اور ایک نصف سنچری بنا چکے ہیں اس میں ایک ڈبل سنچری بھی شامل ہے۔ Sarfaraz Khan's Ranji Trophy Record
ممبئی کے ہونہار کرکٹر سرفراز خان نے رنجی ٹرافی میں کمال کر دیا ہے، اترا کھنڈ کے خلاف ہونے والے کوارٹر فائنل میچ میں انہوں نے نہ صرف 153 رنز کی بہترین اننگ کھیلی بلکہ وہ رواں رنجی سیزن میں سب سے زیادہ رنز بنانے والے بلے باز بن گئے ہیں۔ ممبئی اور اتراکھنڈ کے درمیان کوارٹر فائنل میچ کی پہلی اننگ میں سرفراز خان نے 153 رنز بنائے، یہ اس سیزن میں ان کی تیسری سنچری تھی۔ 24 سالہ سرفراز خان نے اس دوران 205 گیندوں میں 14 چوکوں اور 4 چھکے لگائے جس کی بدولت ممبئی ٹیم مضبوط پوزیشن میں پہنچ گئی ہے۔سنچری بھی شامل ہے۔
- سرفراز خان کی گزشتہ 10 اننگز
| پہلی اننگ | دوسری اننگ | مخالف ٹیم |
| 8 رنز | ناٹ آؤٹ 71 رنز | کرناٹک |
| 36 رنز | بیٹنگ نہیں آئی | تمل ناڈو |
| ناٹ آؤٹ 301 رنز | بیٹنگ نہیں آئی | اتر پردیش |
| ناٹ آؤٹ 226 رنز | بیٹنگ نہیں آئی | ہماچل پردیش |
| 78 رنز | 25 رنز | سوراشٹر |
| 177 رنز | 6 رنز | مدھیہ پردیش |
| 275 رنز | بیٹنگ نہیں آئی | سوراشٹر |
| 63 رنز | 48 رنز | گوا |
| 165 رنز | بیٹنگ نہیں آئی | اُڑیسہ |
| 153 رنز | اتراکھنڈ |
رواں رنجی سیزن سرفراز خان کے لیے کافی شاندار ہے، وہ فارم میں ہیں اور مسلسل بہتر بلے بازی کا مظاہرہ کر رہے ہیں، انہوں نے گزشتہ سیزن میں بھی بلے سے کافی رنز بنائے تھے لیکن یہ ان کی بدنصیبی ہی ہے کہ قومی سلیکٹرز نے ابھی تک ان کے نام پر غور نہیں کیا جبکہ رنجی ٹرافی میں بہتر کاکردگی کا مظاہرہ کرنے والا بلے بہت جلد قومی سلیکشن کمیٹی کی نظروں میں آجاتا ہے۔ اگر سرفراز کا گزشتہ اور رواں رنجی ٹرافی پرفارمنس دیکھا جائے تو اس میں انہوں نے 1600 سے زائد رنز بنائے ہیں۔ اس دوران انہوں نے ناٹ آؤٹ 301 رنز، ناٹ آؤٹ 226 رنز اور 275 رنز کی بڑی اننگ کھیلی ہے لیکن ابھی تک انہیں قومی ٹیسٹ ٹیم میں جگہ نہیں مل سکی۔ اتنی ساری بڑی اننگز بھی سلیکٹرز اور اپنی جانب راغب نہیں کر سکی۔
