ٹاس جیت کر پہلے بلے بازی کرنے اتری کولکاتا نائٹ رائیڈرز کی شروعات اچھی نہیں رہی اور گزشتہ میں میں بہترین بلے بازی کی بدولت مین آف دی میچ ایوارڈ جیتنے والے راہل تریپاٹھی محض 4 رنز بنا کر پویلین لوٹ گئے، انہیں محمد سمیع نے آؤٹ کیا۔ جبکہ 14 رنز کے مجموعی اسکور پر نتیش رانا بھی رن آؤٹ ہوگئے۔
جلدی جدلی دو وکٹیں گرنے کے بعد ایون مورگن نے کچھ حد تک ٹیم کو سنبھالنے کی کوشش کی لیکن 24 رنز کے ذاتی اسکور پر وہ بھی آؤٹ ہوگئے۔
اس کے بعد کپتان دنیش کارتک کریز پر آئے اور شبھمن گل کا ساتھ نبھایا۔ ان دونوں بلے بازوں نے 82 رنز کی پارٹنرشپ کی اور ٹیم کو بحران سے نکالا۔ اس دوران دونوں نے نصف سنچری بھی مکمل کی۔
شبھمن گل نے 47 گیندوں میں 57 رنز بنائے جبکہ دنیش کارتک نے جارحانہ بلے بازی کی اور 29 گیندوں میں 8 چوکے اور 2 چھکوں کی مدد سے 58 رنز بنائے۔
کنگز الیون پنجاب کی جانب سے محمد سمیع، ارشدیپ سنگھ اور روی بشنوئی نے ایک ایک وکٹ حاصل کئے جبکہ کولکاتا کے تین کھلاڑی رن آؤٹ ہوئے۔
