آئی سی سی ورلڈ کپ فائنل: بھارت کا خواب چکناچور، آسٹریلیا چھٹی مرتبہ عالمی چیمپیئن

ورلڈ کپ 2023 میں شاندار بلے بازی کرنے کی وجہ سے ویراٹ کوہلی کو پلیئر آف دی ٹورنامنٹ کا ایوارڈ دیا گیا۔ ویراٹ نے ٹورنامنٹ میں 765 رنز بنائے جس میں تین سنچری اور پانچ نصف سنچری بھی شامل ہے۔

آسٹریلیا کے سلامی بلے باز ٹریوس ہیڈ کو ان کی شاندار 137 رنز میچ وننگ پاری کی وجہ سے میچ کا بہترین کھلاڑی قرار دیا گیا۔ ٹریوس ہیڈ نے 120 گیند پر 137 رنز بنائے جس میں 15 چوکے اور چار چھکے شامل تھے۔ اس کے علاوہ مارنس لبوشین کے ساتھ چوتھے وکٹ کے لیے اہم 192 رنز کی شراکت داری بھی کی۔

آئی سی سی کرکٹ ورلڈ کپ 2023 کے فائنل میں بھارت کو چھ وکٹ سے شکست دے کر آسٹریلیا چھٹی مرتبہ عالمی چیمپیئن بن گیا ہے۔ ٹریوس ہیڈ کی شاندار سنچری اور لبوشین کی نصف سنچری نے بھارت کو تیسرے ورلڈ کپ سے دور کرنے میں اہم کردار ادا کیا۔ بھارت اس ٹورنامنٹ میں ایک بھی میچ نہیں ہارا تھا، آسٹریلیا وہ واحد ٹیم ہے جس نے بھارت کو فائنل میں نہ صرف شکست دی بلکہ عالمی چیمپیئن کا خطاب بھی اپنے نام کرلیا۔ قابل ذکر بات یہ ہے کہ ایک وقت آسٹریلیا کے تین وکٹ محض 47 رنز پر ہی گر گئے تھے لیکن وہاں سے آسٹریلیا نے میچ میں زبردست واپسی کی اور میچ جیت کر یہ بھی بتا دیا کہ کرکٹ کی دنیا میں آسٹریلیا کا دبدبہ ابھی بھی برقرار ہے۔

آسٹریلیا نے 241 رنز کے ہدف کو 43 اوورز میں 4 وکٹ کھو کر حاصل کرلیا۔ آسٹریلیا کی ظرف سے ٹریوس ہیڈ نے 137 رنز کی شاندار اننگز کھیلی جبکہ مارنس لبوشین نے 58 رنز اہم اننگز کھیل کر آسٹریلیا کو جیت دلا کر ہی پویلین لوٹے۔ بھارت کی جانب سے بمراہ کو دو اور سرج، شامی کو ایک ایک وکٹ لینے میں کامیاب رہے۔

ورلڈ کپ فائنل میں 241 رنز کے ہدف کا تعاقب کرتے ہوئے آسٹریلیا کی شروعات کافی خراب رہی اور 47 رنز کے ہی اسکور پر اس کے تین بلے باز پویلین لوٹ گئے تھے لیکن اس کے بعد ٹریوس ہیڈ اور مارنس لبوشین نے اننگز کا سنبھالا اور چوتھے وکٹ کے لیے دونوں نے سو رنز سے زائد کی شراکت داری کرکے میچ کا رخ اپنی طرف کر لیا ہے۔ ٹریوس ہیڈ نے سینچری اسکور کرنے میامایب رہے تو لبوشین نصف سنچری کی طرف بڑھ رہے ہیں۔ جیسے جیسے یہ دونوں بلے باز آگے بڑھ رہے ہیں ویسے ویسے بھارت کے ورلڈ کپ جیتنے کا خواب بھی دم توڑتا جارہا ہے۔

آئی سی سی مینز ورلڈ کپ 2023 میں بھارت بمقابلہ آسٹریلیا فائنل میچ کے بارے میں سابق بھارتی کپتان اور کانگریس لیڈر محمد اظہر الدین کا کہنا ہے کہ یہ میچ مشکل ہونے والا ہے، آسٹریلیا کو ابھی بہت مشکلات کا سامنا کرنا ہوگا۔ اگر بھارت تیزی سے وکٹیں لے لیتا ہے تو آسٹریلیا کے لیے یہ مشکل ہوگا۔

ورلڈکپ 2023 کے فائنل میچ میں 241 رنز کے ہدف کے تعاقب میں آسٹریلیا کا ٹاپ آرڈر بھارتی گیندبازوں کے آگے گھٹنے ٹیک دیا اور محض47 رنز کے اسکور پر اپنے تین اہم بلے بازوں کا وکٹ گنوا دیا۔ وارنر 4، مارش 15 اور اسمتھ 7 رنز بنا کر پویلین لوٹ گئے۔ بھارت کی جانب سے بمراہ نے دو وکٹ حاصل کیے اور شامی کو ایک وکٹ ملا۔

آئی سی سی مینز کرکٹ ورلڈ کپ فائنل میچ کی ایک اننگز ختم ہونے کے بعد بھارتی فین کا کہنا ہے کہ یہ ایک دلچسپ میچ ہوگا، اگرچہ بھارت نے زیادہ رنز نہیں بنائے ہیں لیکن ہم اب بھی اپنے گیند بازوں پر بھروسہ کر رہے ہیں۔ آج کا پورا گیم شامی اور بمراہ پر منحصر ہے اور بمراہ کے یارکر دیکھنے کے قابل ہوں گے، پچ سست تھی اس لیے کم اسکور کی توقع کی جا رہی تھی۔ اسی طرح اگر میدان پر اوس نہیں آتی ہے تو ہمیں کافی فائدہ ہوگا۔

ورلڈ کپ 2023 کے فائنل میچ میں ٹاس ہارنے کے بعد پہلے بلے بازی کرتے ہوئے ٹیم انڈیا نے مقررہ 50 اوورز میں 240 رنز بنائے اور آسٹریلیا کو جیت کے لیے 241 رنز کا ہدف دیا۔ بھارت کی بلے بازی آسٹریلیائی گیندبازوں کے آگے کچھ خاص نہیں رہی اور وقفے وقفے سے وکٹ گرتے رہے جس کی وجہ سے بھارت بڑا اسکور بنانے میں ناکام رہا۔ بھارت کی جانب سے روہت 47، کوہلی 54 اور راہل 66 رنز بنا کر نمایاں رہے۔ وہیں آسٹریلیا کی جانب سے شاندار گیندبازی کا مظاہرہ کیا گیا۔ بھارت کے آخری کھلاڑی کلدیپ کو آخری گیند پر رن آوٹ کرے ٹیم انڈیا کو آل آوٹ بھی کر دیا۔ مچل اسٹارک تین وکٹ لینے میں کامیاب ہوئے جبکہ کمنس اور ہیزل ووڈ کو دو دو وکٹ ملے، میکسویل اور زمپا کو ایک ایک وکٹ ملا۔

ورلڈ کپ فائنل میچ میں بھارت کی حالت کچھ بہتر نہیں ہے اور اسکے 81 رنز پر تین وکٹ گر گئے تھے لیکن ویراٹ اور راہل نے درمیان جب اچھی شراکت شروع ہوئی تو ویرات کوہلی 54 رنز بنا کر ٹیم کے 148 رنز کے مجموعی اسکور پر پوپلین لوٹ گئے جس کی وجہ سے بھارت کی مشکلات میں مزید اضافہ ہوگیا اس کے بعد بھارت کی امیدیں کے ایل راہل اور روندر جڈیجہ پر ٹکی ہوئی تھی لیکن راہل بھی نصف سینچری کرنے کے بعد پویلین لوٹ گئے اور جڈیجہ بھی کچھ خاص تعاون کیے بغیر آوٹ ہوگئے۔ اب بھارت کی آخری امید سوریہ کمار یادو پر ٹکی ہوئی ہے۔ بھارت کا اس وقت مجموعی اسکور 45 اوورز میں 8 وکٹ پر 215 رنز ہے۔

بھارت اور آسٹریلیا کے درمیان ورلڈ کپ 2023 کے فائنل میں فلسطین کے سپورٹ والی ٹی شرٹ پہن کر ایک شخص کرکٹ پچ پر پہنچ گیا جس کی وجہ سے کھیل کو کچھ دیر کے روک دیا گیا۔ اس شخص نے ایک ایسی ٹی شرٹ پہن رکھی تھی جس کے آگے اسٹاپ بومبنگ پیلیسٹائن لکھا ہوا تھا اور پیچھے فری پیلیسٹائن لکھا ہوا تھا اور اس پر فلسطینی پرچم بھی تھا

ریاست اترپردیش کے امروہہ میں بھارتی تیز گیند باز محمد شامی کے گاؤں والے جس طرح سے ورلڈ کپ فائنل کا میچ دیکھ رہے ہیں اس سے ان کے کرکٹ کے تئیں پیار اور گاوں میں سہولیات کے فقدان کو واضح طور پر بیان کر تا ہے۔ محمد شامی نے ورلڈ کپ میں ابھی تک سب سے زیادہ 23 وکٹ لیکر سرفہرست ہیں۔

آئی سی سی ورلڈ کپ فائنل میچ سے پہلے بھارتی فضائیہ کی سوریا کرن ایروبیٹک ٹیم نے احمد آباد کے نریندر مودی اسٹیڈیم کے اوپر ایئر شو کا مظاہرہ کیا۔

آئی سی سی ورلڈ کپ 2023 کے فائنل میچ میں آسٹریلیا کے کپتان پیٹ کمنس نے ٹاس جیت کر پہلے گیندبازی کا فیصلہ کیا ہے جس کا مطلب صاف ہے کہ بھارتی ٹیم پہلے بلے بازی کرے گی اور آسٹریلیا کو شکست دینے کے لیے بڑا اسکور کھڑا کرنا چاہے گی۔

ٹیم انڈیا کی پلیئنگ الیون: روہت شرما (کپتان)، شبمن گل، ویراٹ کوہلی، شریس ایئر، کے ایل راہل (وکٹ کیپر)، سوریہ کمار یادو، رویندرا جڈیجہ، محمد شامی، جسپریت بمراہ، کلدیپ یادو، محمد سراج

آسٹریلیائی ٹیم کی پلیئنگ الیون: ٹریوس ہیڈ، ڈیوڈ وارنر، مچل مارش، اسٹیون اسمتھ، مارنس لیبوشین، گلین میکسویل، جوش انگلس (وکٹ کیپر)، مچل اسٹارک، پیٹ کمنز (کپتان)، ایڈم زمپا، جوش ہیزل ووڈ

ٹاس کے وقت روہت شرما نے کہا کہ اگر میں ٹاس جیتتا تو پہلے بلے بازی کرنے کا ہی فیصلہ کرتا کیونکہ یہ ایک اچھی پچ لگ رہی ہے۔ اس بڑے مقابلے میں اسکور بورڈ پر بڑا ہدف لگانے کی کوشش کریں گے۔ جب بھی ہم یہاں کھیلتے ہیں تو بڑی تعداد میں ہجوم بھی باہر آتا ہے۔ یہ میچ کرکٹ ایونٹ کا یہ سب سے بڑا موقع ہے۔ ہمیں اپنے اعصاب پر کنٹرول رکھنا ہوگا اور پرسکون رہنا ہوگا۔ فائنل میں ٹیم کی کپتانی کرنا ایک خواب کے سچ ہونے جیسا ہے۔ میں یہ بھی جانتا ہوں کہ ہمارے سامنے کونسی ٹیم ہے اور صحیح نتیجہ حاصل کرنے کے لیے ہمیں اچھا کھیلنا ہوگا اور آپ کو میدان میں صحیح فیصلے کرنے ہوں گے۔

آسٹریلیا کے کپتان پیٹ کمنز نے ٹاس جیتنے کے بعد کہا کہ ہمارے سامنے پہلے ایک ٹارگیٹ ہوگا، یہ ایک خشک پچ لگ رہی ہے اور رات میں اوس بھی پڑنے کا امکان ہے جس کی وجہ سے دوسری اننگز میں بلے بازی کرنا بہتر ہو جاتا ہے۔ ٹورنامنٹ کا آغاز شکست سے ہوئی تھی لیکن اس کے بعد واقعی میں ہم ایک بھی غلطی نہیں کی ہوئی اور آج ہم فائنل میں ہیں۔

احمدآباد میں بھارت اور آسٹریلیا کے درمیان آئی سی سی ورلڈ کپ کا فائنل میچ دیکھنے کے لیے نریندر مودی اسٹیڈیم کے باہر لوگوں کا سیلاب امڈ پڑا۔

ٹیم انڈیا کے سپورٹر اور سچن تنڈولکر کے مداح سدھیر کمار چودھری کا کہنا ہے کہ ٹیم انڈیا 2011 کی جیت کو دہرائے گی۔ میں چاہتا ہوں کہ روہت شرما اور شبمن گل سنچریاں بنائیں اور 450 رنز کا ہدف دیے کر میچ کو آسانی سے جیتیں۔

جموں و کشمیر کے سری نگر میں حضرت سید یعقوب صاحب کے مزار پر آسٹریلیا کے خلاف آئی سی سی ورلڈ کپ فائنل میچ میں ٹیم انڈیا کی جیت کے لیے خصوصی دعا کی جارہی ہے۔

بھارتی کرکٹ ٹیم آسٹریلیا کے خلاف آئی سی سی کرکٹ ورلڈ کپ فائنل میچ کے لیے احمد آباد کے نریندر مودی اسٹیڈیم روانہ ہو رہی ہے۔ یہ میچ آج دوپہر 2 بجے دنیا کے سب سے بڑے اسٹیڈیئم نریندر مودی اسٹیڈیم میں کھیلا جائے گا۔ ڈیڑھ بجے ٹاس ہوگا اور دو بجے سے کھیل شروع ہوجائے گا۔

احمد آباد: کرکٹ ورلڈ کپ 2023 کا فائنل میچ آج بھارت اور آسٹریلیا کے درمیان کھیلا جائے گا۔ یہ میچ آج دوپہر 2 بجے دنیا کے سب سے بڑے اسٹیڈیئم نریندر مودی اسٹیڈیم میں کھیلا جائے گا۔ ٹورنامنٹ میں اب تک ناقابل شکست بھارتی ٹیم تیسری مرتبہ خطاب جیتنے کے ارادے سے میدان میں گی جبکہ آسٹریلیا چھٹی مرتبہ عالمی چیمپیئن بننے کے ارادے سے میدان میں اترے گی۔

ورلڈ کپ 2023 میں دونوں ٹیموں کے درمیان کھیلے گئے واحد لیگ میچ میں بھارت نے آسٹریلیا کو 6 وکٹوں سے شکست دی تھیم، لیکن ورلڈ کپ کی تاریخ میں بھارتی ٹیم پر آسٹریلیا کا غلبہ رہا ہے۔ دونوں ٹیموں کے درمیان اب تک 13 ورلڈ کپ میچز کھیلے جا چکے ہیں جن میں آسٹریلیا نے 8 بار کامیابی حاصل کی ہے اور بھارت کو 5 مرتبہ کامیابی ملی ہے۔ بھارت کے 125 کروڑ لوگوں کو امید ہے کہ ٹیم انڈیا آج آسٹریلیا کو شکست دے کر تیسری بار عالمی چمپئن بنے گی۔

بھارت کی ممکنہ پلیئنگ الیون: روہت شرما (کپتان)، شبھمن گل، وراٹ کوہلی، شریس ائیر، کے ایل راہل (وکٹ کیپر)، سوریہ کمار یادیو، رویندرا جڈیجا، جسپریت بمراہ، محمد شامی، کلدیپ یادو اور محمد سراج۔

آسٹریلیا کی ممکنہ پلیئنگ الیون: پیٹ کمنز (کپتان)، ڈیوڈ وارنر، ٹریوس ہیڈ، مچل مارش، اسٹیو اسمتھ، مارنس لیبوشین، جوش انگلس (وکٹ کیپر)، گلین میکسویل، مچل اسٹارک، ایڈم زمپا، جوش ہیزل ووڈ۔