فلم ' وکرم ویدھا' میں سیف علی خان اور ریتک روشن ایک ساتھ نظر آنے والے ہیں۔ سیف علی خان اس فلم میں وکرم کا کردار ادا کرنے والے ہیں، وکرم کا پہلا لک 24 فروری کو جاری ہوگا۔ وہیں فلم میں ویدھا کا کردار ریتک روشن ادا کرنے والے ہیں۔ یہ فلم ساؤتھ کے مشہور اداکار وجے سیتوپتی کی تمل فلم ' وکرم ویدھا' کا ہندی ریمیک ہے۔ Saif Ali Khan First Look From Vikram Vedha
سیف اور ریتک کی ہندی ریمیک فلم 30 ستمبر کو سنیما گھروں میں ریلیز ہونے والی ہے۔
فلم تجزیہ کار ترن آدرش نے اپنے ٹویٹر اکاؤنٹ پر اسی کی جانکاری دی۔ انہوں نے بتایا کہ فلم ' وکرم ویدھا' سے سیف علی خان کے کردار ' وکرم' کا پہلا لُک 24 فروری کو جاری ہوگا۔
واضح رہے کہ اس سے قبل فلم میکرز نے ریتک روشن کے 48ویں یوم پیدائش کے موقع پر ریتک کے کردار کا پہلا لُک جاری کیا تھا۔ اس فلم میں ریتک گینگسٹر ویدھا کا کردار ادا کریں گے۔
ویدھا کا لُک جاری کرتے ہوئے ٹی سیریز نے اپنے آفیشیل ٹویٹر پر لکھا تھا کہ ' ریتک روشن کو سالگرہ کی بہت بہت مبارکباد۔ ہمیں وکرم ویدھا میں ویدھا کا پہلا لُک جاری کرتے ہوئے مسرت محسوس ہورہی ہے۔ یہ فلم پوری دنیا کے سنیما گھروں میں 30 ستمبر 2022 کو ریلیز ہوگی۔
بھارتی لوک کتھا وکرم اور بیتال کے کرداروں پر مبنی اس فلم کی کہانی وکرم نامی پولیس افسر کے اردگرد گھومتی ہے، جو ایک طاقتور گینگسڑ ویدھا کو گرفتار کرکے مار دیتا ہے۔ فلم میں وکرم کا کردار سیف علی خان ادا کر رہے ہیں۔ اس فلم میں رادھیکا اپٹے بھی اہم کردار میں نظر آئیں گی۔
تمل فلم 'وکرم ویدھا' کا یہ ہندی ریمیک ہے۔ تمل فلم میں آر مادھون اور وجے سیتوپتی نے اس میں اہم کردار ادا کیا تھا۔ تمل فلم کی ہدایتکاری کرنے والے پشکر اور گائیتری ہی اس ہندی ریمیک کے بھی ہدایتکار ہیں۔
