'دنیا بھر میں ہورہے حادثات سے بہت افسردہ ہوں'

بالی وڈ کا ماچو مین ہریتک روشن دنیا بھر میں ہورہے حادثات سے بہت افسردہ ہیں ۔

ہرتیک روشن نے جمعہ کی رات کیرالہ کے کوزی کوڈ میں ہوئے فضائی حادثے کے بعد سوشل میڈیا پر ایک پوسٹ شیئر کی ہے۔

ہریتک نے انسٹاگرام پر لکھا 'امید کی کسی کرن پر منحصر رہنا مشکل ہے، لیکن ایسا کرنا ضروری بھی ہے۔ دنیا بھر میں یکے بعد دیگرے پیش آنے والے المناک وا قعات کے بعد میں خود کو بہت بے بس محسوس کررہا ہوں'۔

انہوں نے لکھا 'بیروت دھماکہ، ایئر انڈیا کا حادثہ، ماریشس میں ماحولیاتی ہنگامی صورتحال، سیلاب اور آفات، زلزلہ، وبائی امراض سے ہماری جنگ وغیرہ، ان سبھی حادثات سے بے بس محسوس کر رہا ہوں'۔

ہریتک روشن نے حادثات میں مرنے والے لوگوں کے تیئں اظہار تعزیت کی۔

انہوں نے لکھا 'مرحومین کی روحوں کے سکون کے لئے دعا گو ہوں اور سوگوار خاندانوں سے اظہار تعزیت کرتا ہوں۔ اس بدقسمت وقت میں ہمیں ایک دوسرے کا ساتھ دینا ہوگا اور ڈٹ کر کھڑے رہنا ہوگا۔ یہ وقت بھی گزر جائے گا، ہمیں روشنی ضرور ملے گی'۔