سنجے لیلا بھنسالی کی ہدایت کاری والی فلم 'گنگوبائی کاٹھیاواڑی' بدھ (9 مارچ) کو باکس آفس پر 100 کروڑ روپے کا ہندسہ چھونے میں کامیاب ہوگئی۔ 'گنگوبائی کاٹھیاواڑی' ہندی سنیما کی چوتھی فلم بن گئی ہے جس نے کووڈ 19 کے بعد کھلے سینما گھروں میں اتنی کمائی کی ہے۔ اس سے قبل اکشے کمار، اللو ارجن اور رنویر سنگھ کی فلم باکس آفس پر 100 کروڑ کا ہندسہ عبور کر چکی ہے۔ Gangubai Kathiawadi Enters Rs. 100 Crores Club
فلم تجارتی تجزیہ کار ترن آدرش نے اپنے ٹوئٹر اکاؤنٹ پر 'گنگوبائی کاٹھیاواڑی' کے 100 کروڑ کے کلب میں شامل ہونے کی اطلاع دی ہے۔ ترن نے بتایا کہ فلم نے دوسرے ہفتے میں باکس آفس پر 5.01 کروڑ (جمعہ)، 8.20 کروڑ (ہفتہ)، 10.08 کروڑ (اتوار)، 3.41 کروڑ (پیر)، 4.01 کروڑ (منگل) کماچکی ہے، جس کے بعد فلم کل 99.64 کروڑ روپے تک پہنچ گئی۔ Gangubai Kathiawadi box office collection
واضح رہے کہ 'گنگوبائی کاٹھیاواڑی' کورونا وبا کے بعد سینما گھروں میں 100 کروڑ روپے کمانے والی چوتھی فلم بن گئی ہے۔ اس سے قبل اکشے کمار اور کترینہ کیف اسٹارر فلم 'سوریاونشی'، اللو ارجن اور رشمیکا مندنا کی فلم 'پشپا' (ہندی) اور رنویر سنگھ-دیپیکا پڈوکون کی فلم '83' نے باکس آفس پر 100 کروڑ کا ہندسہ عبور کیا تھا۔
آپ کو بتا دیں، عالیہ کی فلم 'گنگوبائی کاٹھیاواڑی' 25 فروری کو سینما گھروں میں ریلیز ہوئی تھی۔ فلم کو باکس آفس پر پہلے ہی دن مثبت ردعمل ملا۔ فلم میں عالیہ بھٹ کے ساتھ اجے دیوگن، وجے راز، سیما پاواہا اور ہما قریشی اہم کرداروں میں نظر آ رہے ہیں۔
مزید پڑھیں: Alia Bhatt announces Hollywood debut :عالیہ بھٹ بالی ووڈ کے بعد ہالی ووڈ میں اپنا جادو بکھیرنے کے لیے تیار
