جنوب مشرقی نائجیریا کے شہر پورٹ ہارکورٹ میں ایک چرچ کی تقریب میں بھگدڑ مچنے سے کم از کم 31 افراد ہلاک اور سات دیگر زخمی ہو گئے۔ Nigeria Church Accident ہفتے کی صبح چرچ میں کھانا لینے کے لیے آنے والے سینکڑوں افراد نے ایک گیٹ توڑا جس سے بھگدڑ مچ گئی۔ ہلاک ہونے والوں میں زیادہ تر بچے تھے۔
ریورز اسٹیٹ کے پولیس کے ترجمان گریس ایرینج کوکو نے بتایا کہ ہفتے کے روز علی الصبح چرچ میں کھانا لینے کے لیے آنے والے سیکڑوں لوگ ایک گیٹ توڑ کر داخل ہوئے، جس سے بھگدڑ مچ گئی۔ لوگ پہلے ہی سے وہاں موجود تھے جس میں سے کچھ لوگ بے صبر ہو گئے اور بھاگنے لگے، جس کی وجہ سے بھگدڑ مچ گئی۔ پولیس زمین پر صورتحال کی نگرانی کر رہی ہے مزید تحقیقات جاری ہیں۔
