کینبرا: آسٹریلیا کے دارالحکومت کینبرا مفت اسقاط حمل فراہم کرنے والا ملک کا پہلا خطہ بن گیا ہے۔ مقامی حکومت جمعرات کے روز کینبرا کی خواتین کے لیے طبی اسقاط حمل کے لیے مکمل سبسڈی دے گی۔ یہ سہولت ان خواتین کے لیے دستیاب ہوگی جو نو ہفتے کی حاملہ ہیں۔ دوسری جانب 16 ہفتوں تک حاملہ خواتین کو سرجیکل اسقاط حمل کی سہولت دی جائے گی۔ یہ پالیسی حکومت کے اگست 2022 میں تولیدی نگہداشت کو مزید قابل رسائی بنانے کے لیے کیے گئے فیصلے کا حصہ ہے۔ اس فیصلے کے ساتھ، کینبرا آسٹریلیا میں اسقاط حمل کی مفت رسائی فراہم کرنے والا پہلا علاقہ بن گیا ہے۔
ملک کے باقی حصوں میں، اسقاط حمل کے لیے خواتین کو 700 آسٹریلیائی ڈالر (US$469.6) تک خرچ کرنا پڑتا ہے۔ وزیر صحت ریچل اسٹیفن اسمتھ نے کہا کہ حکومت کو بغیر تناؤ اور مالی بوجھ کے اہم صحت کی خدمات فراہم کرنے پر فخر ہے۔ جمعرات کو آسٹریلین براڈکاسٹنگ کارپوریشن (ABC) کی طرف سے محترمہ ریچل کے حوالے سے کہا گیا کہ "ہمیں واقعی فخر ہے کہ آسٹریلین کیپیٹل ٹیریٹری (ACT) پہلا خطہ بن رہا ہے جو لوگوں کو 16 ہفتوں تک جراحی اور طبی اسقاط حمل کی مفت رسائی فراہم کرنے جارہا ہے۔ حکومتی اندازوں کے مطابق، اگلے چار سالوں میں اس پروگرام پر A$4.6 ملین ($3 ملین) لاگت آئے گی۔ (یو این آئي مشمولات کے ساتھ)
یہ بھی پڑھیں:
