Russia Ukraine Crisis: ایئر انڈیا کا طیارہ 250 بھارتی شہریوں کو لے کر کیف سے دہلی پہنچا

وزیر مملکت برائے امور خارجہ وی مرلی دھرن نے ٹویٹ کیا کہ ’مختلف ریاستوں کے طلبہ سمیت تقریباً 250 بھارتی شہری آج رات یوکرین سے دہلی واپس آ گئے ہیں۔ آئندہ دنوں میں مزید پروازیں ہندوستانی شہریوں کی واپسی میں مدد کریں گی‘۔Air India's Special Flight From Ukraine

یوکرین-روس تنازع کے درمیان کیف سے طلبہ سمیت 250 بھارتی شہری ایئر انڈیا کی پرواز سے منگل کی رات نئی دہلی پہنچے۔Air India Flight Ferrying Indian Citizens From Ukraine Arrives in New Delhi

اس تعلق سے وزیر مملکت برائے امور خارجہ وی مرلیدھرن نے ٹویٹ کیا کہ ’مختلف ریاستوں کے طلبہ سمیت تقریباً 250 بھارتی شہری آج رات یوکرین سے دہلی واپس پہنچے۔ آئندہ دنوں میں مزید پروازیں ہندوستانی شہریوں کی واپسی میں مدد کریں گی‘۔

اطلاعات کے مطابق ایئر انڈیا کے خصوصی طیارے اے آئی-1946 نے منگل کی رات کیف سے نئی دہلی کے لیے اڑان بھری۔

قابل ذکر ہے کہ یہ خبر ایک ایسے وقت میں سامنے آئی ہے جب روسی صدر ولادیمیر پوتن نے پیر کے روز مشرقی یوکرین میں دو مختلف علاقوں میں فوجیوں کی تعیناتی کا حکم دیتے ہوئے جنگ کے خدشے میں شدت پیدا کر دی تھی۔

یو این آئی