حیدرآباد: آج (28 مئی) ویر ساورکر کا 139 واں یوم پیدائش ہے۔ اس موقع پر ان کی زندگی پر بننے والی فلم 'سوتنتر ویر ساورکر' کا پہلا لک ہفتہ کو جاری کیا گیا ہے۔ فلم میں اداکار رندیپ ہڈا ویر ساورکر کے کردار میں ہوں گے۔ رندیپ کو پہلی نظر میں پہچاننا مشکل ہو رہا ہے۔ فلم کی ہدایتکاری مہیش منجریکر کر رہے ہیں۔ پروڈیوسر سندیپ سنگھ اور آنند پنڈت فلم کو پروڈیوس کررہے ہیں۔ Swatantra Veer Savarkar First Look OUT
واضح رہے کہ فلم کی شوٹنگ اس سال اگست میں شروع ہونے جا رہی ہے۔ فلم ناقد ترن آدرش نے اس بات کی جانکاری دی ہے۔ اس فلم کے اسکرپٹ کا کام مکمل کر لیا گیا ہے۔ اس کے ساتھ ہی رندیپ اس کردار کے لیے دن رات محنت کر رہے ہیں۔
رندیپ ونائک دامودر ساورکر کا کردار ادا کرنے پر پرجوش نظر آرہے ہیں۔ میڈیا رپورٹس کے مطابق اداکار نے اس کردار کے لیے اپنا وزن کم کرنا شروع کر دیا ہے۔
- " class="align-text-top noRightClick twitterSection" data="
">
اس سے قبل رندیپ ہڈا نے فلم سربجیت سے مداحوں کا دل جیت لیا تھا۔ ایک انٹرویو میں رندیپ ہڈا نے انکشاف کیا تھا کہ 'وہ کئی برسوں سے اس موضوع پر فلم بنانے کا سوچ رہے تھے۔ فلم کے ہدایت کار مہیش منجریکر ہیں جو مراٹھی ہیں اور انہیں ساورکر کے بارے میں کئی معلومات حاصل ہیں'۔
واضح رہے کہ 'اس فلم کے لیے رندیپ ہڈا کا لباس ایشلے ریبیلو نے تیار کیا ہے۔ اس کے علاوہ میک اپ آرٹسٹ رینوکا پلئی نے اداکار کا میک اپ کیا ہے۔ فلم میں کے لیے رندیپ مراٹھی بھی سیکھ رہے ہیں۔
مزید پڑھیں: Savarkar Biopic Announced: ساورکر پر بنے گی فلم، رندیپ ہڈا مرکزی کردار میں
