ممبئی: کرینہ کپور خان اور نیتو کپور نے اتوار کو ارمان جین اور انیسہ ملہوترا کے بیبی شاور تقریب کی تصاویر شیئر کیں۔ کرینہ نے اپنی بھابھی انیسہ کے ساتھ اپنی ایک تصویر انسٹاگرام اسٹوری پر پوسٹ کی۔ انہوں نے اس تصویر کے کیپشن میں لکھا کہ 'خوبصورت ماں کے ساتھ'۔ کرینہ نے 'گودھ بھرائی' کے لیے ہلکے گلابی رنگ کا سوٹ زیب تن کیا تھا۔ Anissa Malhotras baby shower Pics
انہوں نے اس خوبصورت سوٹ کے ساتھ پیروں میں خوبصورت جوتیاں اور ہاتھوں میں ایک کلچ لیا تھا۔ اداکارہ نے اپنے اس لک کو سادہ رکھا تھا اور اس موقع کے لیے انہوں نے بالوں کا جوڑا بنایا تھا۔ کرینہ نے ماتھے میں بندی لگائی تھی اور روبی کے زیورات بھی پہنے تھے۔ اس کے علاوہ جلد ہی ماں بننے والی انیسہ ملہوترا نے نیلے رنگ کی ساڑھی زیب تن کی ہوئی تھی جس میں خوبصورت کڑھائی کی گئی تھی۔
وہیں نیتو کپور نے بھی انسٹاگرام پر 'گودھ بھرائی' سے ایک تصویر مداحوں کے ساتھ شیئر کی۔ اس تصویر میں وہ کرینہ کپور خان، ریتو نندا کی بیٹی نتاشہ نندا اور ارمان جین کی ماں ریما کپور کے ساتھ نظر آرہی ہیں۔ انہوں نے اس تصویر کے کیپشن میں انیسہ ملہوترا کو ٹیگ کرتے ہوئے لکھا کہ' گودھ بھرائی خدا کا کرم '۔ ارمان جین اور انیسہ ملہوترا کی فروری 2020 میں شادی ہوئی۔ ان کی شادی کی استقبالیہ پارٹی میں بالی ووڈ کی بہت سی مشہور شخصیات نے شرکت کی تھی۔ یہ جوڑا اپنے پہلے بچے کی توقع کر رہا ہے۔
مزید پڑھیں: کرینہ کپور نے ویلینٹائن ڈے کی مبارکباد دیتے ہوئے اپنی خوبصورت تصاویر شیئر کی
واضح رہے کہ کرینہ کپور 'دی کریو' میں تبو، کریتی سینن اور دلجیت دوسانجھ کے ساتھ اسکرین شیئر کرتی نظر آئیں گی۔ 'ویرے دی ویڈنگ' کی سپر ہٹ پروڈیوسر جوڑی ایکتا آر کپور اور ریا کپور فلم کو پروڈیوس کررہے ہیں۔ اس پروجیکٹ کی ہدایتکاری راجیش کرشن کر رہے ہیں۔'دی کریو' کے علاوہ کرینہ سُجوئے گھوش کی ہدایت کاری میں بننے والی تھرلر فلم میں نظر آئیں گی جو کتاب 'دی ڈیوشن آف سسپیکٹ ایکس' پر مبنی ہے۔ وہیں نیتو کپور نے حال ہی میں اپنی فلم 'اے لیٹر ٹو مسٹر کھنہ' کی شوٹنگ مکمل کرنے کا اعلان کیا تھا۔
