کاجول اور اجے دیوگن نے اتوار کو اداکار سدھارتھ ملہوترا اور کیارا اڈوانی کی شادی کی استقبالیہ تقریب میں شرکت کی۔ ممبئی کے سینٹ ریجس ہوٹل میں شاندار استقبالیہ کا انعقاد کیا گیا، جہاں ہندی فلم انڈسٹری کے کئی مشہور شخصیات نئی شادہ شدہ جوڑے کو مبارکباد دینے پہنچے۔ سدھارتھ اور کیارا نے 7 فروری کو راجستھان کے جیسلمیر کے سوریا گڑھ پیلس میں شادی کی۔Kajol Shares pics in Saree
- " class="align-text-top noRightClick twitterSection" data="
">
پیر کو اداکارہ کاجول نے ایک انسٹاگرام پوسٹ شیئر کی اور پوچھا کہ 'کیا آپ نے کبھی شادی کی پر سکون تصاویر دیکھی ہیں؟'۔ اس پوسٹ میں اداکارہ اپنے لباس کو دکھاتی نظر آرہی ہیں۔ کاجول کو کرسی پر بیٹھے تصویروں کے لیے کیمرہ کے سامنے پوز دیتے ہوئے دیکھا جاسکتا ہے۔ مداحوں نے اداکارہ کی ان تصاویر پر اپنے ردعمل کا اظہار کرتے ہوئے انہیں خوبصورت کہا ہے۔ ایک مداح نے لکھا کہ ' اپ ایک ملکہ لگ رہی ہیں'۔ ایک اور مزید لکھا کہ ' ہمیشہ جوان ، ساڑھی کی ملکہ'۔
- " class="align-text-top noRightClick twitterSection" data="
">
اس استقبالیہ تقریب کے لیے کاجول نے ایک چمکدار ساڑھی کے ساتھ کانوں میں بالیاں پہنی تھیں۔ وہیں اجے دیوگن نے گرے رنگ کا سوٹ پہنا تھا۔ جیسے ہی کاجول اور اج استقبالیہ کے مقام پر پہنچے ویسے ہی کیارا اور سدھارتھ دروازے پر ان کا استقبال کرتے نظر آئے ہیں۔ کاجول اور اجے کو شادی جوڑے کو گلے لگاتے اور مبارکباد دیتے ہوئے دیکھا گیا۔
اجے اور سدھارتھ نے حال ہی میں اندرا کمار کی تھینک گاڈ میں ایک ساتھ کام کیا تھا، یہ فلم گزشتہ سال ریلیز ہوئی تھی۔ کیارا اور سدھارتھ کی استقبالیہ تقریب میں شرکت کرنے والی دیگر مشہور شخصیات میں رنویر سنگھ، وکی کوشل، عالیہ بھٹ، نیتو کپور، ورون دھون اور ان کی اہلیہ نتاشا دلال، شلپا شیٹی، کرن جوہر، کرینہ کپور، انوپم کھیر، میرا راجپوت، ودیا بالن اور ان کے شوہر سدھارتھ رائے کپور، کریتی سینن، اننیا پانڈے شامل ہیں۔
سدھارتھ اور کیارا کی محبت کی کہانی تب شروع ہوئی جب انہوں نے ایک ساتھ سال 2021 میں آئی فلم شیرشاہ میں کام کیا۔ جوڑے نے کبھی بھی باضابطہ طور پر اس بات کی تصدیق نہیں کی کہ وہ ڈیٹنگ کر رہے ہیں لیکن انہیں اکثر تقریبات اور چھٹیوں پر ایک ساتھ دیکھا جاتا رہا ہے۔ 7 فروری کو اپنی شادی کے بعد انہوں نے انسٹاگرام پر ایک مشترکہ پوسٹ کی جس کے کیپشن میں لکھا کہ 'اب ہماری مستقل بکنگ ہوگی ہے۔ ہم اپنے آگے کے سفر کے لیے آپ کی دعائیں اور محبت کے خواہاں ہیں'۔ ان کی جیسلمیر کی شادی میں کرن جوہر، اداکار شاہد کپور اور ان کی اہلیہ میرا، ڈیزائنر منیش ملہوترا اور اداکار جوہی چاولہ نے شرکت کی۔
انہوں نے خاندان اور قریبی دوستوں کے لیے 9 فروری کو دہلی میں ایک اور استقبالیہ کا اہتمام کیا تھا۔ وہ ہفتہ کو ممبئی واپس آئے جہاں انہوں نے اپنے فلمی دوستوں کے لیے شادی کے دوسرے استقبالیہ تقریب کا اہتمام کیا۔
