جموں و کشمیر کے ضلع اننت ناگ میں منشیات فروشی پر شکنجا کسنے کے خلاف بڑے پیمانے پر کارروائی کی جاری ہے۔اننت ناگ پولیس نے منشیات کے خلاف اپنی جنگ جاری رکھتے ہوئے ایک منشیات فروش کو گرفتار کیا ہے، ساتھ میں منشیات فروش کے قبضے سے بھاری مقدار میں ممنوعہ مادہ بھی برآمد کیا ہے۔
اطلاع کے مطابق تھانہ بجبہاڑہ کو قابل اعتماد ذرائع سے ایک مخصوص معلومات ملی کہ دو افراد منشیات کی خریدوفروخت کرنے میں ملوث ہیں، ان کی شناخت بجبہاڑہ ک واگہامہ کے رہائشی غلام محی الدین منٹو ولد غلام قادر منٹو اور وزیر احمد لون ولد جلال الدین لون کے طور پر ہوئی ہے۔جس کے بعد ایس ڈی پی او بجبہاڑہ ، ایس ایچ او بجبہاڑہ ، ڈی او سنگم اور متعلقہ ایگزیکٹو مجسٹریٹ پر مشتمل ایک سب ڈویژن سطح کی ٹیم تشکیل دی گئی۔ جنہوں نے دونوں منشیات فروشوں کے رہائشی مکانات کی تلاشی لی۔
تلاشی مہم کے دوران غلام محی الدین منٹو کے رہائشی گھر سے تقریبا 60 کلو گرام چرس پاؤڈر برآمد کیا گیا،حالانکہ اس وقت منشیات فروش گھر پر موجود نہیں تھا۔ وہیں وزیر احمد لون کے رہائشی مکان پر چھاپے کے دوران پولیس نے تقریباً 10.5 کلو گرام چرس برآمد کرنے میں کامیاب ہوئے اور منشیات فروش کو بھی موقع پر ہی گرفتار کر لیا گیا۔
اس حوالے سے این ڈی پی ایس ایکٹ کے تحت ایف آئی آر نمبر 243/2021 اور 244/2021 تھانہ بجبہاڑہ میں درج کیا گیا اور دوسرے منشیات فروش کو گرفتار کرنے کے لئے کوششیں جاری ہے۔
