وسطی کشمیر کے ضلع گاندربل کے علاقے کنگن میں پولیس نے بھاری مقدار میں غیر قانونی دوائیوں کے پودے ضبط کیے ہیں۔
ایک سینئر پولیس افسر نے بتایا کہ تھانہ کنگن میں مصدقہ اطلاعات پر ایس ڈی پی او یاسر قادری کی نگرانی میں کنگن میں 1102 کلو غیر قانونی دوائیوں کے پودے ضبط کیے۔
انہوں نے بتایا کہ اس معاملے میں پانچ ملزمان گرفتار کئے گئے جن کی شناخت جاوید احمد وانی، محمد اسلم کٹاریہ (چھترگل)، شوکت احمد بڈانہ (چھترگل)، محمد اسحاق کھٹانہ (چھترگل) اور غلام نبی کھٹانہ (راجوری) کے نام سے ہوئی ہے۔
واضح رہے کہ گاندربل کے ایس ایس پی نکھل بورکر کے ضلع گاندربل کا چارج سنبھالنے کے بعد ایک ہفتے کے میں یہ دوسری کارروائی ہے۔
مقامی لوگوں نے ایس ایس پی گاندربل اور کنگن پولیس کی کوششوں کو سراہا ہے۔
اس معاملے میں کنگن پولیس نے ایف آئی آر درج کر کے مزید تحقیقات شروع کر دی ہے۔
