مرکز کے زیر انتظام خطہ جموں و کشمیر کے راجوری کے درہل علاقے میں پرگل میں فوجی کیمپ کی باڑ کو عسکریت پسندوں نے عبور کرنے کی کوشش کی۔ اسی دوران سکیوریٹی فورسیز اور عسکریت پسندوں کے درمیان گولیوں کا تبادلہ ہوا، جس کے نتیجے میں دو عسکریت پسند مارے گئے جبکہ چار فوجی اہلکار بھی ہلاک ہوئے ہیں۔ زخموں کی تاب نہ لاکر فوت ہونے والے چوتھے فوجی کی شناخت نشانت ملک کی حیثیت سے کی گئی ہے جو ریاست ہریانہ کے حسار ضلع کے ہنسی آدرش نگر کے رہنے والے تھے۔
جموں زون کے اے ڈی جی پی مکیش سنگھ کے مطابق درہل کے پولیس اسٹیشن سے تقریباً چھ کلو میٹر کے فاصلے پر یہ واقعہ پیش آیا۔ مقام واقعہ پر اضافی فورس روانہ کی گئی ہیں۔
مزید پڑھیں:Encounter in Budgam: بڈگام تصادم ختم، تین عسکریت پسند ہلاک
بتایاجارہا ہے راجوری سے 25 کلومیٹر دور واقع ایک فوجی کیمپ پر عسکریت پسندوں نے خود کش حملہ کیا، اس دوران دونوں عسکریت پسند مارے گئے ہیں، بھارتی فوجی اہلکار کے مطابق آپریشن ابھی جاری ہے۔
سکیورٹی فورسز نے اس علاقے سے کافی مقدار میں اسلحہ و گولہ بارود برآمد کیا ہے۔ جن میں Ak47 اور دیگر ہتھیار شامل ہیں۔
بھارتی فوجی اہلکار کے مطابق راجوری میں واقع فوجی کیمپ کے پاس دو عسکریت پسند حملے کے فراق میں تھے ۔ اسی دوران سکیورریٹی فورسیز اور عسکریت پسندوں کے درمیان گولیوں کا تبادلہ ہوا جس میں دونوں عسکریت پسند ہلاک ہو گئے جبکہ پانچ فوجی اہلکار زخمی ہوئے ہیں۔
