نیشنل کانفرنس کے ترجمان عمران نبی ڈار نے ای ٹی وی بھارت کو بتایا کہ جموں و کشمیر کے لیے اس بجٹ میں کوئی خاص پکیج No Special Package in this Budget for Jammu & Kashmir نہیں ہے۔
ان کا کہنا ہے کہ بی جے پی نئے کشمیر کے متعلق بلند بانگ دعوے کر رہی ہے، لیکن بجٹ ہی اس کا جواب ہے کہ کس طرح سے مرکزی حکومت کشمیر کو انتخابات کے لیے استعمال کر رہی ہے۔
عام شہریوں کا کہنا ہے کہ بجٹ میں مہنگائی کو دور کرنے کے لیے کوئی رعایت نہیں No Concession in the Budget to Remove Inflation رکھی گئی ہے اور نہ ہی نوجوان کو روزگار کے مواقع فراہم کرنے کے لیے کوئی پالسی یا پکیج رکھا گیا۔
ایک مقامی شخص فردوس الہی نے بتایا کہ جموں و کشمیر میں گذشتہ سات برسوں سے بے روزگاری انتہا پر پہنچ چکی ہے، جس کو دور کرنے کے لیے بجٹ میں پیکج ہونا چاہیے تھا، لیکن ایسا کچھ نہیں رکھا گیا۔
کشمیر ٹریڈرز اینڈ مینوفیکچررس فیڈریشن کے جنرل سیکریٹری نے ای ٹی وی بھارت کو بتایا کہ اگرچہ کشمیر کے تاجروں نے حکومت کے سامنے اپنے تجاویز اور مطالبات بجٹ سے قبل پیش کیے تھے لیکن بجٹ سامنے آنے کے بعد انہیں مایوسی کے سوا کچھ نہیں ملا۔
مزید پڑھیں:
کشمیر چیمبر آف کامرس اینڈ انڈسٹریز کے صدر شیخ عاشق حسین نے کہا کہ گذشتہ برسوں سے کشمیر کی اقتصادی صورتحال کو شدید نقصان کا سامنا ہے، جس کی بحالی کے لیے بجٹ میں لائحہ عمل یا پکیج کی ضرورت تھی لیکن بجٹ بالکل اس کے برعکس ہے۔
