شعبہ صحافت اسلامک یونیورسٹی آف سائنس اینڈ ٹیکنالوجی اونتی پورہ کی جانب سے میں آج ایک روزہ فوٹو ورکشاپ کا اہتمام کیا گیا جس میں بین الاقوامی شہرت کے حامل صحافی فوٹوگرافر اور نیویارک ٹائمز کے ساتھ منسلک شوکت نندا نے جرنلزم کے طلبہ کو فوٹو جرنلزم پر جانکاری فراہم کی اور انہیں تصویری صحافت کے ماضی، حال اور مستقبل کے اتار چڑھاؤ کے بارے میں جانکاری دی۔
شوکت نندا نے طلبہ پر زور دیا کہ تصویر کھینچنے کے فن میں مہارت حاصل کریں۔
اس موقع پر طلبہ نے مہمان سے سوالات پوچھے اور اس حوالے سے مختلف اسرار ورموز کی جانکاری لی۔ جرنلزم کے طلبہ نے اس قسم کے ورکشاپ کو خوش ایند قرار دیا۔
ای ٹی وی بھارت کے ساتھ بات کرتے ہوئے جرنلزم کے ایک طالب علم راشد اندرابی نے بتایا کہ ورکشاپ کے دوران انہیں وہ کچھ سیکھ لیا جس کو وہ اپنے کلاسز کے دوران شاید ہی سیکھ پاتے۔انہوں نے ایسے ورکشاپ مستقبل میں بھی منعقد کرنے کی خواہش ظاہر کی۔
مزید پڑھیں:Workshop at IUST Awantipora اونتی پورہ اسلامک یونیورسٹی میں انٹرپرینیورشپ پر ورکشاپ
وہیں ایچ او ڈی جرنلزم اور ماسکام ڈاکٹر مجیب لیاقت نے کہا فوٹو جرنلزم کا صحافت میں ایک الگ مقام ہے، کیونکہ فوٹو جرنلسٹ صرف تصویر کشی نہیں کر رہا ہے بلکہ وہ اپنی تصویر کے ذریعے وہ بات قارئین اور ناظرین تک پہنچا رہا ہے جو ہزار الفاظ میں بھی بیان نہیں کی جا سکتی۔
