غلام نبی لون کا سوپندر کور کے اہل خانہ کے ساتھ اظہار تعزیت

پیپلز ڈیموکریٹک پارٹی کے جنرل سیکٹری غلام نبی لون ہانجورہ نے ہفتے کے روز قتل ہوئی پرنسپل سوپندر کور کے گھر جاکر ان کے اہل خانہ سے تعزیت کا اظہار کیا۔ اس موقع پر انہوں نے کہا کہ 'جن حالات کا سامنا ہمیں یہاں کرنا پڑ رہا ہے اس سے تو ایسا لگتا ہے کہ جیسے 1990 حالات کو دہرایا جا رہا ہے، یہاں معصوم لوگوں کو گولیوں کا نشانہ بنایا جا رہا ہے'۔

جمعرات کے صبح نا معلوم بندوق برداروں نے سرینگر کے گورنمنٹ بوائز ہائیر سیکنڈری اسکول سنگم عیدگاہ کی پرنسپل سوپندر کور اور اسی اسکول کے ایک استاد کو گولی مار کر ہلاک کردیا۔ اس تعلق سے پیپلز ڈیموکریٹک پارٹی کے جنرل سیکریٹری غلام نبی لون ہانجورہ نے متاثرہ کنبہ سے ملاقات کی اور کہا کہ 'کشمیر میں بی جے پی کے سارے دعوے کھوکھلے ثابت ہو رہے ہیں'۔

انہوں نے کہا کہ ضرورت اس بات کی ہے کہ 'نا معلوم بندوق برداروں کا پتہ لگایا جائے اور اگر ایسا نہیں کیا گیا تو یہ بہت بڑی غلطی ہوگی۔ ان کا کہنا تھا کہ شہری ہلاکتوں میں عدالتی تحقیقات ہونی چاہئے تاکہ قاتلوں کی شناخت ہو اور یہ مطالبہ تو متاثرہ کنبوں کا بھی ہے۔

جنرل سیکریٹری نے ان باتوں کا اظہار ہفتے کے روز قتل ہوئی پرنسپل سوپیندر کور کے گھر جاکر ان کے اہل خانہ سے تعزیت کے دوران کہی۔ اس موقع پر انہوں نے کہا کہ جن حالات کا سامنا ہمیں یہاں کرنا پڑ رہا ہے اس سے تو ایسا لگتا ہے کہ جیسے 1990 حالات کو دہرایا جا رہا ہے، یہاں معصوم لوگوں کو گولیوں کا نشانہ بنایا جا رہا ہے۔

ان کا کہنا تھا کہ کب تک اس طرح سے مظلوموں معصوموں کو ہلاک کیا جاتا رہے گا اور ہم ہمیشہ نامعلوم بندوق بر دار کہتے رہیں گے، ضروت اس بات کی ہے کہ 'نامعلوم' کو 'معلوم' کیا جائے۔ انہوں نے کہا کہ یہاں لوگ بے حد رنجیدہ اور پریشان ہیں۔