محکمۂ ہینڈی کرافٹس اینڈ ہینڈ لوم ڈائریکٹوریٹ کشمیر نے جی آئی مارک کی تصدیق شدہ پشمینہ شال کے لیے کم از کم امدادی قمیت ایم ایس پی کا اعلان کیا ہے۔ یہ فیصلہ ہاتھ سے بنی ہوئی پشمینہ کے لیے جی آئی مارک کی فروغ کی اہمیت پر غور کرنے کے بعد لیا گیا۔
اصل پشمینہ کی پہچان 'جی آئی' مارک ہے اور اسی مشین سے بنائی جارہی دستکاری مصنوعات اور ہاتھ سے بنائی جانے والی مصنوعات کا فرق واضح ہوجاتا ہے۔ اب تک دستکاری مصنوعات بشمول پشمینہ، سوزنی، کنی، پیپر ماشی، اخروٹ لکڑی کے نقش و نگار، ختم بند اور قالین جغرافیائی انڈیکیشن مارک یعنی جی آئی مارک ایکٹ 1999 کے تحت رجسٹر ہوچکے ہیں۔
پشمینہ کے ایم ایس پی کا تعین انڈین انسٹیٹیوٹ کارپٹ ٹیکنالوجی میں 11، 19 جون 2021 اور 30 جون 2021 کو کشمیر پشمینہ کاریگر یونین ایسوسی ایشن سمیت دیگر دستکاری اور ہینڈ لوم شعبہ سے وابستہ مختلف انجمنوں کے نمائندوں کے درمیان ہونے والی مسلسل میٹنگوں کے بعد کیا گیا۔
یہ بھی پڑھیں: آن لائن کلاسیز سے طلبا کو مشکلات
خواتین کی کاروباری صلاحیتوں کو فروغ دینے کے لیے اسے اہم اقدام کے طور پر مانا جارہا ہے جب کہ ہاتھ سے بنی ہوئی مصنوعات کی بحالی میں بھی یہ کافی اہمیت کا حامل ہے۔ کیونکہ روزگار کے علاوہ خواتین بنائیوں کی معاشی زندگی بھی اس سے بہتر بنائی جاسکتی ہے۔
