Kashmiri You Tubers: یوٹیوب کے ذریعے کشمیر میں ہورہا ہے مزاحیہ اداکاری کا احیا

چند برسوں قبل جہاں مزاحیہ اداکاری Comedy Acting in Kashmir صرف ٹیلی ویژن چینلز نُکڑ ڈراموں یا کسی خاص تقریب میں دیکھنے کو ملتی تھی لیکن آج کے دور میں یوٹیوب اور دیگر سماجی رابطہ گاہوں پر نوجوان اپنی بھرپور صلاحیتوں اور ہنر کا مظاہرہ کرکے بھاگ دوڑ کے اس دور میں لوگوں کو ہنسانے کی کوشش کررہے ہیں۔

سوشل میڈیا کا مطلب عوام کے درمیان مختلف ذرائع سے مواصلاتی روابط پیدا کرنا ہے جو موجودہ دور کے معاشرے کے مزاج، خیالات، ثقافت اور عام زندگی کی کیفیت پر دور رس اثرات کا حامل ہے اس کا بہاؤ وسیع اور لا محدود ہے۔

یوٹیوب کے ذریعے کشمیر میں ہورہا ہے مزاحیہ ادکاری احیا

آج کل سماجی رابطہ گاہوں پر جہاں سیاسی، سماجی، معاشی اور دیگر معمولات سننے، پڑھنے اور دیکھنے کو مل رہے ہیں وہیں وادی کشمیر میں ہر گزرتے دن کے ساتھ نوجوانوں کی خاصی تعداد یوٹیوب Kashmiri YouTubers کے ذریعے اپنے فن کا مظاہرہ کرتے ہوئے دیکھی جارہی ہیں۔

کوئی سماج کے مختلف موضوعات اور آس پاس کے ماحول کو اپنے مزاحیہ انداز میں پیش کررہا ہے، کوئی کسی کی نقل اتار کر تو کوئی مزاحیہ انداز کا نغمہ فلماکر لوگوں کی دل جوئی کررہا ہے۔ کوئی روایتی فن اور لوک سنگیت کی صنف لڑی شاہ کے ذریعے لوگوں میں اپنی جگہ بنا رہا ہے۔

چند برسوں قبل جہاں اس طرح کی مزاحیہ اداکاری comedian in Kashmir صرف ٹیلی ویژن چینلز نُکڑ ڈراموں یا کسی خاص تقریب میں دیکھنے کو ملتی تھی لیکن آج کے دور میں یوٹیوب اور دیگر سماجی رابطہ گاہوں پر نوجوان اپنی بھرپور صلاحیتوں اور ہنر کا مظاہرہ کر کے بھاگ دوڑ کے اس دور میں لوگوں کو ہنسانے کی کوشش کررہے ہیں۔ وادیٔ کشمیر کے ہر ضلع سے اس طرح فنون لطیفہ میں دلچسپی رکھنے والے نوجوان سامنے آرہے ہیں جو کہ لوگوں میں اپنی پہچان بنا رہے ہیں اور اس طرح کا رجحان آئے روز بڑھتا جارہا ہے۔ جس سے نہ صرف یہاں کی مزاحیہ ادکاری کا احیا ہورہا ہے بلکہ ثقافتی اور ادبی روایات بھی زندہ ہورہی ہیں۔

سید اریج صفوی جسے کشمیر کی تاریخ میں پہلی خاتون لڑی شاہ ہونے کا اعزاز حاصل ہے ناپید ہو رہی اس ادبی صنف کو جہاں اپنا کھویا ہوا مقام دلانا چاہتی ہیں وہیں یہ اپنے نئے نئے ویڈیوز کے ذریعے لڑی شاہ کو نئی نسل تک پہچانے کی کوشش بھی کررہی ہیں۔

syed areej on reviving ladishah in kashmir

ٹیکنالوجی کے اس دور میں وادی کے کئی مزاحیہ ادکار Comedy Actors بھی اب یوٹیوب کا سہارا لیے اپنی فنکاری اور اداکاری سے لوگوں کو محظوظ کررہے ہیں۔ جوکہ کسی زمانے میں ٹی وی یا ریڈیو ڈراموں تک محدود ہوا کرتے تھے۔

مشہور اداکار حسن جاوید یوٹیوب یا دیگر سوشل میڈیا پلیٹ فارم کے ذریعے مزاحیہ اداکاری میں نوجوانوں کے آگے آنے کو خوش آئند قرار دے رہے ہیں تاہم وہ کہتے ہیں کہ کوئی بھی مزاحیہ ویڈیو لوگوں کے سامنے پیش کرنے سے قبل زبان اور اسکرپٹ کا خاص دھیان رکھا جانا چاہیے۔

actor hassan javed on kashmiri comedy

ان نوجوانوں میں کئی ایسے بھی ہیں جو کہ اپنے اس ہنر کو مشغلے کے طور پر استعمال میں لاکر لوگوں کو ہنسانا چاہتے ہیں لیکن کئی سارے اپنی یوٹیوب چینلز کے ذریعے اچھی خاصی کمائی بھی کررہے ہیں۔