جموں و کشمیر میں پانچ اگست کی شام سے اچانک لیفٹننٹ گورنر کی تبدیلی کی خبریں گردش کرنے لگیں جس پر سابق وزیر اعلیٰ عمر عبدللہ نے بھی حیرانگی کا اظہار کیا۔
متعدد شوشل میڈیا صارفین جن میں نامور صحافی بھی شامل ہیں، نے دعویٰ کیا ہے کہ جموں و کشمیر کے لیفٹننٹ گورنر جی سی مرمو کو بھارت کا نیا کمپٹرولر اینڈ آڈیٹر جنرل مقرر کیا جائے گا کیونکہ موجودہ کمپٹرولر جنرل راجیو مہریشی اگلے ہفتے سبکدوش ہونے والے ہیں۔
عمر عبدللہ نے ایک ٹویٹ کیا جس میں انہوں نے کہا: 'جموں و کشمیر کے لیفٹننٹ گورنر سے متعلق سے یہ باتیں کہاں سے آئیں؟ یہ باتیں چند گھنٹے قبل سے گردش کر رہی ہیں اور اب یہ انٹرنیٹ پر چھائی ہوئی ہیں۔'
کچھ خبروں میں بتایا گیا کہ راجیش موہر جموں و کشمیر کے نئے لیفٹننٹ گورنر ہونگے تاہم ان خبروں کی ابھی تک تصدیق نہیں ہو پائی ہے۔
اطلاعات کے مطابق جی سی مرمو نے بھارتی صدر کو اپنا استعفی بھیج دیا ہے۔ ان کے مستعفی ہونے کی خبروں کی تصدیق ہوچکی ہے۔
