ڈی ڈی سی ممبر ترال ڈاکٹر ہر بخش سنگھ نے آج ترال کے مختلف دیہات کا دورہ کیا جس دوران انھوں نے کئی اہم پروجیکٹ کا سنگ بنیاد رکھا۔
ممبر نے مندورہ میں دیہی ترقی کے ذریعے بنائے جارہے ایک بڑے پل کا سنگ بنیاد رکھا جو کہ وہاں عوام کی ایک دیرینہ مانگ تھی۔ اس کے بعد موصوف نے چیوہ اور ترال میں بھی ایک ندی کے لیے حفاطتی باندھ بنانے کا سنگ بنیاد رکھا۔
اس موقع پر بی ڈی او ترال ڈاکٹر پرومروز کے علاوہ محکمۂ دیہی ترقی کے ملازمین اور عام لوگوں کی ایک بڑی تعداد بھی موجود تھی۔ موصوف نے دورے کے دوران عوامی مسائل سنے اور ان پر ہمدردانہ غور و خوض کرنے کی یقین دہانی کرائی۔
یہ بھی پڑھیں: ترال: میر محلہ ڈاڈسرہ میں ٹرانسفارمر میں لگی آگ
میڈیا سے بات کرتے ہوئے انہوں نے کہا کہ ڈی ڈی سی کونسل کو اسی لیے معرضِ وجود میں لایا گیا، تاکہ بنیادی سطح پر لوگوں کی ترقی ممکن ہوسکے۔ انہوں نے بتایا کہ لوگوں نے انہیں چنا ہے اور اس لیے عوامی نمائنده ہونے کے ناطے میں لوگوں کی بھرپور ترجمانی کروں گا۔
