جموں و کشمیر: سرینگر کے خانیار علاقے میں آتشزدگی کے ایک واقع میں دارالعلوم اور دو رہائشی مکان خاکستر ہوئے ہیں۔ تاہم آگ کی اس واردات میں کسی جانی نقصان کی کوئی اطلاع نہیں ہے۔ Fire In Kanayar Srinagar
آتشزدگی میں مدرسہ اور دو مکان خاکستر
شہر خاص خانیار کے گنجان آبادی والے علاقے میں جمعرات کی صبح (دارالعلوم اسلامیہ مدرسہ) سے اچانک آگ نمودار ہوئی جس کے نتیجے میں مدرسے کے ساتھ دو رہائشی مکانات خاکستر ہوئے۔ آگ لگنے سے مدرسہ کے متصل میرج ہال کو بھی معمولی نقصان پہنچا۔ فائر اینڈ سیفٹی سروسز نے اگرچہ بروقت کارروائی عمل میں لاکر آگ کو مزید پھیلنے سے روک لیا۔ اس حادثے میں بلال احمد، منیر احمد، محمد یعقوب لون اور مشتاق احمد لون کے مکانوں کو نقصان پہنچا ہے۔ آگ لگنے کی وجوہات کا ابھی پتہ نہیں چل سکا ہے البتہ پولیس نے کیس درج کر کے تحقیقات شروع کر دی ہے۔
مزید پڑھیں:
