گاندربل: جموں و کشمیر کے گاندربل میں بابا دریا دین کے درگاہ پر صحافیوں سے بات کرتے ہوئے درخشاں اندرابی نے کہا کہ وقف بورڈ کی رقم میں بہت زیادہ بدعنوانی ہوئی ہے اس لیے اس کے صحیح طرح سے جانچ و تحقیقات ہوگی نیز قصورواروں سے حساب مانگا جائے گا۔ انہوں نے کہا کہ 'ستم ظریفی یہ ہے کہ وقف بورڈ وزیراعلیٰ اور ان کے مشیروں کے کنٹرول میں رہا ہے۔ وقف کا کوئی مستقل دفتر نہیں ہے لیکن اب جب کہ وقت اور ماحول بدل گیا ہے، اس عمل کو دوبارہ شروع کر دیا گیا ہے اور تمام معاملات کو سلجھایا جائے گا۔ Chairperson J&K Waqf Board Darakhshan Andrabi
درخشاں اندرابی نے مزید کہا کہ 'ہم وقف کی رقوم کے غلط استعمال کی تحقیقات کریں گے اور اس میں ملوث افراد کو جوابدہ بنایا جائے گا۔ ایک سوال کے جواب میں انہوں نے کہا کہ وقف کی رقم سے کینسر ہسپتال تعمیر کرنے کا منصوبہ بھی ہے۔ انہوں نے کہا کہ زمین کی نشاندہی کی جائے گی اور کسی بھی قیمت پر ہسپتال بنایا جائے گا۔
