ضلع پونچھ کی تحصیل منڈی کے گاؤں اڑائی میں گذشتہ تین ماہ سے جموں و کشمیر بینک برانچ کو منظوری ملی تھی جس کے بعد بینک نے بینک کی صفائی کے لیے ایک ملازم کو تعینات کیا تھا، لیکش تین ماہ گزر جانے کے بعد بینک انتظامیہ نے اسے نوکری سے نکال دیا ہے۔
اس سلسلے میں نوکری سے نکالے گئے ملازم کے رشتہ داروں نے بینک برانچ کے سامنے احتجاج کیا اور بینک کو کھولنے نہیں دیا گیا۔
بینک سے نکالے گیے ملازم اعجاز احمد نے کہا کہ تین ماہ قبل انہیں بینک میں صفائی کی نوکری پر رکھا گیا تھا، لیکن اب بلاوجہ بینک انتظامیہ نے انہیں نوکری سے نکال دیا۔
اعجاز احمد نے کہا کہ تینوں پنچایتوں سے لکھنے کے باوجود بینک انتظامیہ نے نہ انہیں نوکری کا آڈر دیا اور نہ ہی اجرت دی گئی۔
مزید پڑھیں:منڈی: اڑائی گاؤں میں جے کے بینک برانچ کا افتتاح
اس حوالے سے حاجی محمد اشرف, حاجی نوردین شیخ، و دیگران نے سخت تشویش کا اظہار کرتے ہوئے کہا کہ جب تک اعجاز احمد کو بینک کی جانب سے نوکری بحال نہیں کی جائے گی تب تک وہ بینک کو کام کرنے نہیں دے گے۔
اس موقع پر نائب تحصیلدار منڈی محمد طیب خان کے علاوہ پولیس جموں وکشمیر بنک برانچ منڈی کے منیجر موقع پر پہنچے اور معاملہ کو آئندہ تین دن تک حل کرنے کی یقین دہانی کرائی۔
