رامبن :حد بندی کمیشن ڈرافٹ کے عوامی حلقوں میں آنے کے بعد اپنے اعتراض جمع کرنے کو لیکر ضلع رامبن میں آل پارٹی جوائنٹ ایکشن کمیٹی کی جانب سے ضلع ترقیاتی کمشنر رامبن کو ایک میمورنڈم پیش کیا گیا۔APJAC Ramban Memorandum
کمیٹی کی صدارت ضلع ترقیاتی کونسل چیئرپرسن شمشاد شان نے کی۔ ان کے ہمراہ کانگریس پارٹی کے ضلع صدر،پی ڈی پی ترجمان و پنتھرس پارٹی کے عہدیداران و کئی پنچ و سرپنچ بھی شامل تھے۔
میمورینڈم جمع کرنے سے قبل کمیٹی نے اپنی مانگوں کو لیکر نعرے بازی بھی کی۔
شمشاد شان چیئرپرسن ڈی ڈی سی رامبن نے بتایا عام عوام سے رائے حاصل کرنے کے بعد ضلع رامبن کی عوام کے دو مطالبات میمورنڈم میں درج تھے،جس میں گول سنگلدان کو الگ حلقہ انتخاب بنانا اور پوگل پرستان کو ایک کر ہی حلقہ انتخاب میں رکھنے کی مانگ ہے۔
انہوں نے مزید کہا کہ ضلع رامبن معاشی و تعلیمی طور سے پسماندہ ہے۔ اس لیے حق بنتا کہ تین اسمبلی حلقے بنائے جائے تاکہ عوام کو راحت حاصل ہو۔
مزید پڑھیں:
انہوں نے کہا کہ پوگل پرستان لسانی و کلچرل طور سے ایک ہے اسے رامبن اور بانہال کے درمیان تقسیم نہ کیا جائے ۔
جوائنٹ ایکشن کمیٹی کا آئندہ کے لائحہ عمل کے بارے میں انہوں نے بتایا کہ وہ جموں میں حد بندی کمشین سے ملے گئے اور اپنے مطالبات کمیشن کے سامنے رکھیں گے۔
