ریاست گجرات میں راجکوٹ شہر کے گاندھی گرام علاقہ میں ایک مندر سے دان پیٹی کی چوری کے الزام میں پجاری کو جمعرات کے روز پولیس نے گرفتارکر لیا۔
پولیس نے بتایا کہ نامعلوم شخص کے خلاف سائیں بابا مندر سے دان پیٹی کی چوری کا معاملہ بدھ شام درج کیا گیا تھا، شک کی بنیاد پر قریب کے ہنومان جی مندر کے پجاری سے پوچھ گچھ کی گئی۔
پولیس کے مطابق پوچھ گچھ کے دوران پجاری نے چوری کرنے کی بات قبول کی اور بتایا کہ اس نے دان پیٹی چراکر گھر میں ہی رکھی ہے۔
پجاری کے اقبال جرم کے بعد پولیس نے اس کے گھر سے جمعرات کی صبح تالا لگی دان پیٹی برآمد کرلی اور ملزم کے خلاف ضروری کارروائی کی جا رہی ہے۔
ملزم پجاری کی شناخت ویشالی نگر شیری-4 کے رہائشی جینتی بھائی اگروال کے طور پر ہوئی ہے۔
