اگر انسان کے اندر حوصلہ اور جذبہ ہو انسان بڑی سے بڑی کامیابی حاصل کر سکتا ہے۔ ملک کے بچے ملک کا مستقبل ہوتے ہیں، مرادآباد کے مسلم بچے اپنے ملک کی حفاظت اور ملک پر قربان ہونے کا جذبہ لے کر این سی سی میں بھرتی ہوئے۔
ریاست اتر پردیش کے مرادآباد مسلم ہیبیٹیٹ انٹر کالج کے این سی سی کے بچوں سے ای ٹی وی بھارت اردو کے نمائندے شاہنواز اختر نے بچوں سے خاص بات چیت کی، اور یہ جاننے کی کوشش کی کہ کس سوچ کو لے کر یہ بچے این سی سی میں شامل ہوئے ہیں۔
بات چیت کے دوران بچوں نے بتایا کی وہ این سی سی میں اس لیے بھرتی ہوئے ہیں کی وہ آگے چل کر فوج میں بھرتی ہوکر اپنے ملک کی حفاظت کرتے ہوئے ملک کا نام روشن کر سکیں اور ضرورت پڑنے پر وطن کے کے لیے قربانی دے سکیں۔
کچھ طلبا ایسے تھے جن کا بچپن سے ہی خواب تھا کہ وہ بڑے ہو کر فوج میں شامل ہوں، اسی جذبے کے تئیں وہ این سی سی میں شامل ہوئے، جہاں انھیں بہت ساری چیزیں سیکھنے کو مل رہی ہیں۔
ایسے بچوں کے حوصلے اور جذبے کو سلام جنہوں نے اپنا مقصد ملک کی محبت اور قربانی کے لیے بنایا۔
این سی سی یونٹ ایک ایسی یونٹ ہوتی ہے جس میں اسکول کے طلبا بھرتی ہو کر بہت سی ایسی باتیں سیکھتے ہیں جس سے ان کے اندر یونٹی ڈیسیپلین میں رہنا، اصول و ضوابط سے زندگی جینا اور بھی دوسری چیزیں سیکھتے ہیں۔
بات چیت کے دوران بچوں نے بتایا کی یہ بچے آگے چل کر بھارتی فوج میں بھرتی ہونا چاہتے ہیں اور ملک کی خدمت کرنا چاہتے ہیں۔
