جنوبی کشمیر کےضلع کولگام کے ونپوہ میں اتوار کی شام نامعلوم بندوق برداروں نے مبینہ طور پر دو غیر مقامی مزدوروں کو ہلاک کردیا ہے، جبکہ ایک تیسرا شخص زخمی ہوا ہے۔
جموں و کشمیر پولیس نے ان ہلاکتوں کے لئے عسکریت پسندوں کو ذمہ دار ٹھہرایا ہے۔کولگام میں دو غیر مقامی مزدوروں کی ہلاکت سے محض 24 گھنٹے قبل یعنی ہفتے کی شام سرینگر اور پلوامہ اضلاع میں 'ٹارگیٹ کلنگ' کے دو الگ الگ واقعات میں دو غیر مقامی مزدور مارے گئے تھے۔ بتایا جاتا ہے مشتبہ عسکریت پسندوں نے کولگام کے علاقے گنجی پورہ میں تین غیر مقامی مزدوروں پر فائرنگ کی، جس میں سے دو ہلاک اور ایک زخمی ہوئے ہیں۔
انہوں نے بتایا کہ تین غیر مقامی لوگوں کی شناخت راجہ رشی دیو، جوگندر رشی دیو، چنچن رشی دیو کے طور پر کی گئی ہے جو کہ بہار کے رہنے والے ہیں۔ ان کا کہنا تھا کہ مزدور کی شناخت چن چن ریشی دیو کے طور پر ہوئی ہے جو کہ بہار کے رہنے والے ہیں جن میں سے ایک کو علاج کے لیے جی ایم سی اننت ناگ منتقل کیا گیا ہے۔
مزید پڑھیں: عام شہریوں کی ہلاکتوں میں کشمیریوں کا ہاتھ نہیں: فاروق عبداللہ
میڈیکل سپرنٹنڈنٹ جی ایم سی اننت ناگ ڈاکٹر محمد اقبال صوفی نے بتایا کہ ایک غیر مقامی مزدور ملا ہے وہ مستحکم ہے۔ ایک پولیس عہدیدار نے بتایا کہ فورسز نے موقع پر پہنچ کر حملہ آوروں کو پکڑنے کی کوشش شروع کردی ہے۔
