مغل روڈ پر ایکو کار حادثے میں چار افراد زخمی

جمعرات کو راجوری ، پونچھ ، شوپیاں کو کشمیر سے ملانے والی مغل روڈ پر ایک سڑک حادثے میں چار مسافر شدید زخمی ہو گئے، جنہیں علاج کے لیے سب ڈسٹرکٹ ہسپتال سورنکوٹ پہنچایا گیا۔

معلومات کے مطابق ، جمعرات کے روز ، ایکو کار جے کے 12 بی 5663 ، منڈی سے سورن کوٹ سے کشمیر کی طرف جا رہی تھی ، پیر کی گلی کے قریب مانسر میں تقریبا بیس فٹ گہری کھائی میں جا گری ، جس میں چار مسافر شدید زخمی ہوئے۔

حادثے کے بعد پولیس اور عام شہری موقع پر پہنچے اور سب سے پہلے زخمیوں کو چندی مڑ میڈیکل سینٹر لے گئے۔ ابتدائی علاج کے بعد حالت نازک دیکھ کر اسے سب ڈسٹرکٹ ہسپتال سورنکوٹ ریفر کیا گیا، جہاں وہ زیر علاج ہیں۔