ریاست مدھیہ پردیش کے اجین میں کورونا مریضوں کی تعداد میں مسلسل اضافہ ہو رہا ہے، ایسے میں ضلع انتظامیہ نے علاقے میں گھر گھر جا کر سروے کرنے کا منصوبہ تیار کیاہے، اسی سلسلے میں ڈاکٹروں کی ایک ٹیم وارڈ نمبر 12 کے بلوٹی میں پہنچی تو مقامی لوگوں نے ڈاکٹروں کی ٹیم کو گھیر لیا اور ان کے ساتھ مار پیٹ کی اور دھمکی دیتے ہوئے انہیں علاقے سے باہر نکال دیا۔
مدھیہ پردیش کے اجین میں ڈاکٹروں کی پر حملہ
اس کے بعد ڈاکٹروں کی ٹیم نے اعلی افسران سے اس کی شکایت کی جس کے بعد پولیس کی نفری کو تعینات کیا گیا، اس دوران مسجد سے ڈاکٹروں کے ساتھ تعاون کرنے کی اپیل کی گئی۔
جس کے بعد مسلم اکثریتی علاقے کے کچھ مسلمانوں کے سمجھانے کے بعد لوگوں نے ڈاکٹروں کا تعاون کیا اور طبی ٹیم وہاں کام کرنے میں کامیاب ہوئی۔
اس سے قبل بھی اندور کے ٹاپ پٹی علاقے میں ڈاکٹروں کی ٹیم اور پولیس اہلکاروں کے ساتھ بدسلوکی کی گئی تھی۔
